Gẹnẹsis 49:26 - Edo Bible (E Baibol Ẹdo) Version 1996

²⁶ A fiangbe ọghe ọka kevbe obobo afiangbe ọghe avbe oke nẹdẹdẹ emwi ose ọghe avbe oke etẹbitẹghori te ehia gha mudia vbe uhunmwu e Josẹf ye uharo ọmwa ne a zẹ ọre ughaẹn, vbe ẹbu avbe etiọnrẹn nikpia.

Gẹnẹsis 49:26 ပူးပေါင်းရင်းမြစ်များ

Gẹnẹsis 37:28

Avbe obaghẹn ne ivbi e Midian ghi se evba, etẹn e Josẹf keghi si ẹe ladian vbe uhae, iran na khiẹn ọre agiẹghẹ e siliva ugie ne ivbi Ismẹl, iran na muẹn gha rrie Igipt.

Gẹnẹsis 37:8

Etiọnrẹn keghi nọrẹn wẹẹ, “Te uwẹ ro ighẹ u gha rri ọba yan ima ra?” Iran keghi dọlegbe kakabọ gha mu ohu ẹre rhunmwuda ẹmwẹ ne ọ tae vbe kpa iran kevbe imina rẹn.

Gẹnẹsis 49:27

Oduma ne ọ gbe emwi ọre Bẹnjamin khin, ota vbe owiẹ ọ re ọ ya gbe emwi re.”

Psalm 132:18

I gha ye ekhue gbe avbe eghian rẹn egbe sokpan arriọba ẹre gha dunna ọ ghi vbe gha muan yọ.”

Psalm 89:36

Te a gha miẹn ivbi uniẹn ọnrẹn ẹdẹdẹmwẹdẹ. Mẹ gha vbe gha wan lẹga arriọba ẹre la ẹghẹ ne ovẹn gha vbe yunmwu la.

Aizaia 54:10

Avbe oke nekhua ke negiẹrẹ sẹtin siẹn sotọ. Sokpan ahoẹmwọmwa mwẹ ghe uwa i ra fo ẹdẹ. Eyan ọfumwegbe ne I yan ma uwa I gha mu ẹn sẹ ẹdẹdẹmwẹdẹ.” Erriọ Nọyaẹnmwa ne ọ ho ẹmwẹ uwa khare.

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Jona 2:6

Mẹ keghi gha rrie otọ, ehe ne avbe oke nekhua ke zọ kpao, gha rrie ẹvbo ne a khui urho ẹre gbua ẹdẹdẹmwẹdẹ. Sokpan, wẹ ne Nọyaẹnmwa Osanobua mwẹ, keghi si mwẹ ke ẹmwẹ ne unu ke uwu odin gha dee.

Habakọk 3:6

Ọ gha demudia agbọn ghi mu rueghe; ọ gha fi aro rre, avbe uhunmwu ẹvbo ghi gha guọ zẹzẹzẹ. A zanzan avbe oke ẹrẹkhẹrẹ ua avbe oke etẹbitẹ kpero la uwu otọ, avbe oke ne irẹn nanaẹn ẹkpo nẹdẹ.

Nọmbas 6:2

ne ọ rhie igiodẹ na ma ivbi Izrẹl, “Ọ re okpia ra okhuo nọ ne ọ ru eyan ighẹ rẹn khian gha re agbihiagha, ọ na vbe ye egbe ẹre fi ohan ne Nọyaẹnmwa,

Iwinna 7:9

“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.