Gẹnẹsis 49:22 - Edo Bible (E Baibol Ẹdo) Version 1996

²² Ekẹtẹkẹtẹ oha ọre Josẹf khin, ekẹtẹkẹtẹ oha ne ọ rre ọkpẹn ẹzẹ, ivbi e ekẹtẹkẹtẹ ni rre ọkpẹn oke.

Gẹnẹsis 49:22 ပူးပေါင်းရင်းမြစ်များ

Gẹnẹsis 41:52

Ọ keghi vbe kha wẹẹ, “Osanobua viọ emọ gunmwẹ vbe ẹvbo ne I na miẹn ọlọghọmwa.” Ọ keghi he ovbi ẹre ne ukpogieva Ifreim.

Gẹnẹsis 46:27

Emọ ikpia eva ọre a biẹlẹ ne Josẹf vbe Igipt, ọnii keghi ye ẹgbẹe Jekọb ne ọ gha rrie odọ gba vbe ekigbesiyenẹ.

Gẹnẹsis 48:1

Ọ ghi kpẹe fua kherhe, a keghi do tama e Josẹf wẹẹ, “Egbe ma rran erha a.” Rẹn keghi viọ ivbi ẹre eveva Manasẹ kevbe Ifreim, ọ na ya miẹn e Jekọb.

Gẹnẹsis 48:15

Ọ keghi fiangbe iran. “Te Osanobua gha fiangbe emọ na! Osanobua ne Ebraham kevbe Aizik ne erhamwẹ gae! Te Osanobua ne ọ su mwẹ sẹ ẹdẹnẹrẹ na, gha fiangbe iran!

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Gẹnẹsis 48:5

E Josẹf, emọ ikpia eva ne iran biẹlẹ nuẹn vbe Igipt na vbe I te rre, ọghomwẹ iran vbe khin. Zẹ vbene Riubẹn kevbe Simiọn re ọghomwẹ, erriọ zẹ ọre Ifreim kevbe Manasẹ gha vbe re ọghomwẹ.

Gẹnẹsis 49:23

Avbe eghian rẹn lelẹe vbọ ọghe edan iran ye uhanbọ kevbe ifẹnmwẹ iran khuẹe

Psalm 128:1

Afiangbe ọrọre ọghe iran ni ye ọghọ ne Nọyaẹnmwa, iran ni lele iyi ẹre ru emwi.

Psalm 128:3

Amwẹ ọn gha ye vbe azara ne ọ mọ ọmọ vbe owa ruẹ, avbe ivbuẹ ghi ye vbe erhan oliv, lẹga eteburu ruẹ.

Psalm 80:10

Ọ ya irhu ẹre gue avbe oke avbe abọ ẹre keghi gbe irhu gue avbe erhan isida nekhua.

Ezikiẹl 19:11

Avbe abọ ẹre keghi wa wegbe, iran keghi do khian ọkpọ ọghe ọba. Erhan azara nii tan sẹ vberriọ, wẹ te ọ ghi sẹ uwu okuku iso, emwa hia keghi miẹn vbene ọ taẹn, kevbe vbene ọ mwẹ ebe hẹ.

Hozia 13:15

Ọ gha khọn Izrẹl ne ọ vẹ gba ehe hia zẹ vbe irunmwu. I gha gie ẹhoho ne ọ tọn ne ọ ke odẹ ahọ ke uwu ato rre, ọ ghi do si uhae kevbe ivbi ẹzẹ iran hia ka. Ọ gha viọ emwi ne ọ ghi gia lo hia gha rrie.