Gẹnẹsis 49:18 - Edo Bible (E Baibol Ẹdo) Version 1996

¹⁸ I diakhẹ ẹghẹ imiẹnfan ruẹn Osanobua.

Gẹnẹsis 49:18 ပူးပေါင်းရင်းမြစ်များ

Gẹnẹsis 49:17

E te Dan ra gha ye vbe ẹyẹn ne ọ rre ọkpẹn odẹ, ẹyẹn ne ọ mwẹ obi vbe ọkpẹn ovbi odẹ, ne ọ sa ẹsin vbe ighinghian owẹ, nọhin ẹnrẹn ghi khian ne a fi la odieke fua.

Psalm 119:166

Nọyaẹnmwa, I diakhẹ ruẹ ne u miẹn mwẹ fan, emwi ne u yi ẹre iyi ọ re imẹ ru.

Psalm 119:174

Ghe vbene I rhie aro ye odẹ gha khẹ ẹsọhẹ imiẹnfan ruẹn Nọyaẹnmwa, I miẹn ẹkorhiẹnrhiẹnmwẹ vbe uhi ruẹ.

Psalm 119:41

Nọyaẹnmwa, rhie ma mwẹ vbene u ho ẹmwẹ mwẹ sẹ hẹ, ne u vbe miẹn mwẹ fan, zẹ vbe eyan ruẹn.

Psalm 123:2

Zẹ vbene ọguọmwadia ye egbe yan arowa ẹre, zẹ vbene ọguọmwadia okhuo ye egbe yan aro wa ẹre nokhuo, erriọ ma khian gha ghe ruẹ obọ Nọyaẹnmwa Osanobua mwa a te do miẹn wẹ u tohan mwa.

Psalm 130:5

I wa rhie aro, ye odẹ diakhẹ iyobọ e Nọyaẹnmwa, ẹmwẹ ọnrẹn ọre imẹ vbe mu ẹtin yan.

Psalm 14:7

Erhunmwu ne I na ọrọre wẹ, ne akhọnmiotọ la odẹ Zaiọn sẹ egbe Izrẹl. U miẹn vbe ẹko ivbi Izrẹl gha rhiẹnrhiẹn hẹ, vbe Nọyaẹnmwa gha gie agbọn dọlegbe ma iran!

Psalm 40:1

I hẹko ya izin egbe mudia khẹ iyobọ e Nọyaẹnmwa rẹn keghi danmwehọ, ọ kevbe họn urhu eve mwẹ.

Psalm 62:1

I hẹko ya izin egbe mudia khẹ Osanobua ne ọ do miẹn mwẹ fan. Rẹn okpa kẹkan ọre I mu ẹtin yan.

Psalm 62:5

Osanobua okpa ọ re I ya egbe yan idaehọ mwẹ vbe rre ọghọe.

Psalm 85:7

Rhie aho ruẹ ne ẹ i beghe ma mwa Nọyaẹnmwa, ne u vbe rhie iyobọ imiẹnfan ruẹn ne ima.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Itan 14:32

Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 33:2

E Nọyaẹnmwa, tohan mwa. Wẹ ọ re ima mu ẹtin yan. Gha degue mwa ẹdẹgbegbe, ne u vbe miẹn ima fan vbe ẹghẹ ibaro.

Aizaia 36:8

I gha ya eni ọgbaisi gu uwa hẹnhẹn unu ẹnrẹn, I ghi viọ ẹsin arriaisẹn eva ne uwa, adeghẹ wa gha kue miẹn emwa ni gha hin iran.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Eve Orriara 3:25

E Nọyaẹnmwa ru emwa ni mu ẹtin yan rẹn hia ẹse

Hozia 12:7

E Nọyaẹnmwa khare wẹẹ, “Emwa nii vbe zẹ ibeleku zẹ vbene ivbi e Kenan ye ọ re ivbi Izrẹl wa khin. Esike ne ẹ i maa ọ re iran ya mu emwa ni gu iran do ẹki ru. Iran ghi gha kha wẹẹ,

Maika 7:7

Sokpan, mẹ gha rhie aro ye odẹ khẹ Nọyaẹnmwa. I gha ya iziengbe diakhẹ Osanobua, ọmwa ne ọ gha miẹn mwẹ fan. Osanobua mwẹ gha họn ọghomwẹ.

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Iyẹn ne ọ Maan Ọghe Mak 15:43

Ọmwa kpataki wa nọ vbe uwu Iko ore ẹvbo. Rẹn keghi vbe re ọkpa vbe uwu emwa ni mudia khẹ ẹghẹ ne Arriọba Osanobua gha ya rre. Ọ kegha re ẹdẹ Imuegbe ye otọ (ọnii nọ wẹ, ẹdẹ ne ọ ke aro ne Ẹdẹ Ikẹtin); Josẹf keghi bu Pailet gha khian, ọ nọ rẹn wẹ ne ọ mu ikun Jesu ne irẹn.

Iyẹn ne ọ Maan Ọghe Luk 1:30

Odibosa nii na tama rẹn wẹẹ, “Ghẹ mu ohan Meri, Osanobua ruẹ ẹse nẹ.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Iyẹn ne ọ Maan Ọghe Luk 2:30

Rhunmwuda, I ye aro dẹghe imiẹnfan ruẹn nẹ.

Ebe ne Pọl gbẹẹn gie emwa Rom 8:19

Te emwi ne a yi hia heko ziengbe gha khẹ wẹ ne Osanobua viọ ivbi ẹre ladian ne a miẹn.

Ebe ne Pọl gbẹẹn gie emwa Rom 8:25

Sokpan, deghẹ te ima rhie aro ye odẹ ba emwi ne a ma he bẹghe, ẹghẹ ni, a ghi heko ye i ziengbe gha diakhẹ ọre.

Galatia 5:5

Zẹ vbe ọghomwa, idaehọ mwa ọrọre wẹ, Osanobua gha ya ima khian ne ọ mudia ẹse vbe odaro ẹre, ọnọna ọre ima mudia khẹ, vbe ekpa ẹtin Orhiọn Osanobua, ne ọ winna la ekpa iyayi mwa.

I Tẹsalonaika 1:10

Kevbe ne uwa do gha diakhẹ Ovbi ẹre ne ọ ke ẹrinmwi tuorre gha dee, Jesu ne Ovbi ẹre, ọmwa ne irẹn huẹn kpaegbe vbe orinmwi, ọmwa ne ọ miẹn ima fan vbe obọ ohu Osanobua ne ọ dee.