Gẹnẹsis 49:14 - Edo Bible (E Baibol Ẹdo) Version 1996

¹⁴ Ẹkhuia nọ wegbe ọ re Isaka khin. Sokpan ọ lovbiẹ lọlọọlọ ye ẹkpo emwi ne ẹsin ẹnrẹn ya kun ihẹ.

Gẹnẹsis 49:14 ပူးပေါင်းရင်းမြစ်များ

Gẹnẹsis 30:18

E Lia keghi kha wẹẹ, “Osanobua sanmwẹ ẹse nẹ, rhunmwuda, I rhie ọviẹn mwẹ ne ọdọ mwẹ.” Ọ keghi he ovbi ẹre Isaaka.

Gẹnẹsis 49:15

Ọ ghi miẹn vbe ehe ne ọ na kẹtin maa hẹ, ke vbe ne otọe nii mose hẹ, ọ keghi vbẹrre ne ọ mu ihẹ, ọ na khian ọviẹn nọ miẹn ẹsọn.

Psalm 68:13

Amazẹ idu ne a ya esiliva rhu ne ifuẹn ọnrẹn fi wainwain ne igoru. (Vbọzẹ ne eso vbe uwu uwa na gha rre uwu aza ohuan vbe ẹdẹ igbinna yi?)

Psalm 78:70

Ọ zẹ Devid ne ọguọmwadia ẹre, ọ rhie ẹre ke oha ne aranmwẹ na rria ladian.

Nọmbas 32:16

Iran keghi bu e Mosis gha khian, iran tama rẹn wẹẹ, “Gie ima ka ya okuta gba ogba lẹga avbe ohuan ima vbe emwa na zẹ ke ẹvbo ne a gbe ekẹn ga ne ibiẹka ima.

Diuteronomi 33:18

Ọ keghi kha vbe ekpa ẹwae Zẹbulọn kevbe Isaaka, “Te ẹki ne Zẹbulọn do vbe okun gha maa ne ẹẹn, ne ẹfe Isaaka gha muan yọ vbe owa.

Giọgis 10:1

Ugbẹn vbe Abimẹlẹk ghi wu nẹ, Tola ne ovbi e Pua kevbe eyẹ Dodo kevbe do miẹn Izrẹl fan. Ovbi ẹwae Isaaka ọre ọ gha khin, rẹn keghi vbe gha rre Siamẹ vbe ẹvbo uhunmwu oke Ifreim.