Gẹnẹsis 48:2 - Edo Bible (E Baibol Ẹdo) Version 1996

² Iran tama e Jekọb wẹẹ e Josẹf ne ovbuẹ do miẹn ọn. Ọ keghi si orhiọn koko, ọ na kpaegbe tota ye ukpo.

Gẹnẹsis 48:2 ပူးပေါင်းရင်းမြစ်များ

Gẹnẹsis 48:1

Ọ ghi kpẹe fua kherhe, a keghi do tama e Josẹf wẹẹ, “Egbe ma rran erha a.” Rẹn keghi viọ ivbi ẹre eveva Manasẹ kevbe Ifreim, ọ na ya miẹn e Jekọb.

Gẹnẹsis 48:3

E Jekọb keghi tama e Josẹf wẹẹ, “Osanobua Noghodua rhie egbe ma mwẹ vbe Luz, vbe otọe Kenan, ọ keghi fiangbe mwẹ.

Nehimaia 2:18

I keghi vbe tama iran vbene Osanobua wa yaba mwẹ hẹ, ọ na vbe yọmwẹ obọ, kevbe vbene ọgbaisi tama mwẹ hẹ. Iran hia keghi wanniẹn wẹẹ, “Gie ima suẹn gha dọlọ ẹe bọ nian.” Iran keghi mu egbe ne iran gha ya suẹn iwinna nii.

Psalm 41:3

Nọyaẹnmwa gha rhie iran lẹre vbe ẹghẹ egbe ne ọ ma rran ọ ghi vbe mu iran egbe rran.

Itan 23:15

Ovbi mwẹ, ẹko gha rhiẹnrhiẹn mwẹ gbe adeghẹ u waan.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Diuteronomi 3:28

Rhie igiọdu ne Jọsua. Rhie igiọdu ne ẹẹn ne u rhie orhiọn ye ọre iwu, rhunmwuda rẹn ọ ra viọ emwa nii gberra ya yin otọe ne u dẹghe na.’

I Samuẹl 23:16

E Jonatan keghi ya vba ẹre vbe evba, ọ na rhie igiẹdu ne ẹẹn wẹ, ẹ i mwẹ Osanobua ma degue ẹre.