Gẹnẹsis 48:19 - Edo Bible (E Baibol Ẹdo) Version 1996

¹⁹ Erha ẹe keghi he, ọ wẹẹ, “I rẹnrẹn ovbi mwẹ, I rẹnrẹn ivbi uniẹn Manasẹ gha vbe khian okpẹvbo, sokpan ọtiọnrẹn nekherhe gha kpọlọ sẹ ọre, ivbi uniẹn ọnrẹn gha vbe khian ẹvbo ni kpọlọ.”

Gẹnẹsis 48:19 ပူးပေါင်းရင်းမြစ်များ

Gẹnẹsis 17:4

“Ile ne I ra gue ta ọna khin: I yan rẹn wẹẹ, erha odede ọghe okpẹvbo nibun ọre uwẹ khian gha khin.

Gẹnẹsis 25:23

E Nọyaẹnmwa keghi tama rẹn wẹẹ, “Iyaẹvbo eva ọre ọ rre uwẹ ẹko U gha biẹ arhien eva ni gu egbe suan Ọkpa gha wegbe sẹ nọkpa Nọdiọn ọre ọ gha re ọguọmwadia enekherhe.”

Gẹnẹsis 25:28

Aizik keghi ho ẹmwẹ Isọ sẹ, rhunmwuda emiowo ne ọ gbe giẹe gha re rhiẹnrhiẹn ọẹn, sokpan Ribẹka keghi ho ẹmwẹ Jekọb sẹ.

Gẹnẹsis 28:14

uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn.

Gẹnẹsis 46:3

“Mẹ ọrọre Osanobua, ọghe erha a, ghẹ gie ohan muẹn ne u gha rrie Igipt, I gha ya uniẹn ivbuẹ khian okpẹvbo vbe evba.

Gẹnẹsis 48:14

Sokpan Izrẹl keghi gbe obọ ẹre akinnọ, ọ na rhie obọ erha ọmwa rẹn yan Ifreim uhunmwu, rẹn ne ọ re ọvbokhan kevbe obọ iye ọmwa rẹn yan Manasẹ uhunmwu, rẹn zẹ ọ re ọdiọn.

Gẹnẹsis 48:18

Ọ keghi tama erha ẹe wẹẹ, “Ẹ i re erriọ Evbavba, ọna ọrọre ọdiọn, rhie obọ erha ọmwa ruẹn yan ẹnrẹn uhunmwu.”

Aizaia 7:17

“E Nọyaẹnmwa ra si ọlọghọmwa ọkpa ye uwẹ egbe kevbe avbe emwa ruẹn, deba ẹgbẹe ọba hia fẹẹrẹ, egbe ẹdẹ ọlọghọmwa ne a ma he ka miẹn ẹdẹ, ke ẹghẹ ne Izrẹl ya fian egbe hin e Juda rre gha dee, ọba Asiria ọ re ọ ra si okuo ẹre gha dee.

Ezikiẹl 27:10

“Ivbiyokuo ni ke Pẹsia rre kevbe Lidia kevbe Libya rre usun iran ni re ivbiyokuo ruẹ. Iran viọ asa kevbe erhu ẹgere iran rrọ ye ibareke ruẹ. Iran na ọ re ọ ru emwi uyi mu ye uẹ obọ.

Diuteronomi 1:10

E Nọyaẹnmwa ne Osanobua uwa keghi gie uwa gha muan yọ zẹ vbe orhọnmwẹ ne aro iso.

Diuteronomi 33:17

Ẹtin ekhuia ẹmila ọ re Josẹf ghaa mwẹ, ke igho ọghe ede. Avbe igho ẹre kegha re inu arriaisẹn ne ọ khin ọghe Manasẹ kevbe arriaisẹn igbe ọghe Ifreim, igho ni ọ re ọ ya solo avbe uhunmwu ẹvbo, ọ ghi sua iran gha rrie odẹ ufomwẹ agbọn.”