Gẹnẹsis 48:16 - Edo Bible (E Baibol Ẹdo) Version 1996

¹⁶ Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Gẹnẹsis 48:16 ပူးပေါင်းရင်းမြစ်များ

Gẹnẹsis 22:11

Sokpan, odibo Nọyaẹnmwa keghi datie ẹre ke ẹrinmwi rre, “Ebraham, Ebraham!” Rẹn keghi wanniẹn wẹẹ, “Ee, ghe mwẹ mwa.”

Gẹnẹsis 22:15

Odibo Nọyaẹnmwa nii keghi tie Ebraham ukpogieva ke ẹrinmwi rre,

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Gẹnẹsis 46:3

“Mẹ ọrọre Osanobua, ọghe erha a, ghẹ gie ohan muẹn ne u gha rrie Igipt, I gha ya uniẹn ivbuẹ khian okpẹvbo vbe evba.

Gẹnẹsis 48:5

E Josẹf, emọ ikpia eva ne iran biẹlẹ nuẹn vbe Igipt na vbe I te rre, ọghomwẹ iran vbe khin. Zẹ vbene Riubẹn kevbe Simiọn re ọghomwẹ, erriọ zẹ ọre Ifreim kevbe Manasẹ gha vbe re ọghomwẹ.

Gẹnẹsis 49:22

Ekẹtẹkẹtẹ oha ọre Josẹf khin, ekẹtẹkẹtẹ oha ne ọ rre ọkpẹn ẹzẹ, ivbi e ekẹtẹkẹtẹ ni rre ọkpẹn oke.

II Samuẹl 4:9

E Devid keghi wanniẹn iran wẹẹ, “I vẹn ihẹn vbe eni e Nọyaẹnmwa nọ rrọọ ne ọ miẹn mwẹ fan vbe uwu ẹbe hia.

I Ọba 1:29

Rẹn keghi tama rẹn wẹẹ, “Te i ya eni e Nọyaẹnmwa ne ọ rrọ, ọmwa ne ọ yuo mwẹ hin uwu ọlọghọmwa mwẹ hia rre,

II Krọnikol 7:14

Adeghẹ iran na erhunmwu ghe mwẹ, iran na fi uyinmwẹ werriẹ, iran zobọ vbe emwi dan ne iran te ka ru, I gha họn urhu iran vbe ẹrinmwi I ghi ya orukhọ iran bọ iran I ghi dọlegbe ye otọ iran khian ne ọ maa.

Psalm 121:7

E Nọyaẹnmwa gha degue ruẹ hin ẹbe hia, ọ gha degue ruẹ hin ẹbe rre

Psalm 34:2

1 gha rho ẹre ye iwinna ne ọ winna ẹn. Wa gie emwa ne a zẹ kpokpo hia, damwehọ ne iran vbe gha ghọghọ.

Psalm 34:22

E Nọyaẹnmwa gha miẹn emwa rẹn fan emwi rhọkpa i ra ru iran ni lẹgbinna ẹn.

Psalm 34:7

Avbe odibosa ẹre ọ re ọ gbearoghe iran ni ya ọghọ ne Nọyaẹnmwa, ọ ghi vbe miẹn iran fan vbe ẹbe.

Psalm 34:8

Wẹ tobọ gualọ otọ ẹre miẹn vbene Nọyaẹnmwa maa hẹ. Afiangbe ọrọre ọghe iran ni lẹgbinna ẹẹn.

Ẹksọdọs 1:7

Sokpan ivbi Izrẹl kegha mwẹ emọ nibun, iran bun sẹrriọ, iran vbe wegbe sẹrriọ wẹ, iran keghi wa gba otọe nii hia.

Aizaia 47:4

Osanobua nọhuanrẹn ọghe Izrẹl fannọ ima kua! Eni ẹnrẹn ọrọre e Nọyaẹnmwa ne Oghodua.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 14:9

Vbọzẹ ne u na ye vbe ọmwa ne emwi yan ẹre unu uan, zẹ vbe ovbiyokuo ne ẹ i mwẹ ẹtin ne ọ gha ya ru iyobọ? Vbe ẹmwata, wẹ rrọọ yaba mwa, Nọyaẹnmwa emwa ruẹn ma khin, ghẹ he mwa yotọ.

Jerimaia 15:21

I gha miẹn ruẹn fan vbe obọ ẹtin emwa dan kevbe emwa ọkhọ. Mẹ ne Nọyaẹnmwa ta ẹe nẹ.”

Emọs 9:12

Rhunmwuda ọnii, ivbi Izrẹl gha khọn mu ehe ne ọ ghi te kẹe vbe Idọm, kevbe avbe uhunmwu ẹvbo hia ni ka re ọghomwẹ dee yi vbe ẹghẹ ọkpa,” erriọ e Nọyaẹnmwa ne ọ ra gie emwi na sunu khare.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Iyẹn ne ọ Maan Ọghe Jọn 17:15

I ma wẹ ne u viọ iran hin agbọn na rre, sokpan ne u viọ iran lẹre ne Ọmwa dan nii.

Iwinna 15:17

Erriọ emwa ọvbehe hia gha gualọ Nọyaẹnmwa, emwa ne ẹ i re Ju hia ne I tie ya khian ọghomwẹ.

Ebe ne Pọl gbẹẹn gie emwa Rom 8:23

Sokpan ẹ i re avbe emwi ne a yi ọkpa, sokpan, ma ni mwẹ nene Orhiọn zẹ vbe emwi okaro ne Osanobua ya ru ọmwa ẹse, erriọ ma vbe mannọ egbe vbe uwu egbe, vbe ehe ne ima na mudia khẹ Osanobua, ne ọ do ya ima khian ivbi ẹre, ne ọ vbe rhan emwi ne ima khin hia vbe irri.

I Kọrinti 10:4

Iran hia keghi vbe wọn amẹ orhiọn ọkpa nii, rhunmwuda, uwu okuta orhiọn nii ne ọ lele iran gha khian, ọre iran hia na wọn, okuta nii keghi re Kristi tobọ ẹre.

I Kọrinti 10:9

Wa ghẹ gia danmwẹ e Nọyaẹnmwa ghee, vbene eso ru vbe uwu iran, ne ẹyẹn na gbele iran uan.

Diuteronomi 28:10

Ẹghẹ nii, emwa ni rre agbọn na hia ghi do miẹn wẹ te Nọyaẹnmwa zẹ uwa ne uwa gha re emwa obọ ẹre, ohan uwa ghi gha mu iran.

Diuteronomi 33:17

Ẹtin ekhuia ẹmila ọ re Josẹf ghaa mwẹ, ke igho ọghe ede. Avbe igho ẹre kegha re inu arriaisẹn ne ọ khin ọghe Manasẹ kevbe arriaisẹn igbe ọghe Ifreim, igho ni ọ re ọ ya solo avbe uhunmwu ẹvbo, ọ ghi sua iran gha rrie odẹ ufomwẹ agbọn.”

II Timoti 4:18

Erriọ Nọyaẹnmwa gha yuo mwẹ hin uwu ọkhọ hia rre, ọ ghi rhie mwẹ gha rrie Arriọba ẹrinmwi ẹnrẹn vbe ne a i na mwẹ ẹbe. Uyi ọre ọghọe ẹdẹ kevbe ẹdẹdẹmwẹdẹ. Isẹ.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 11:21

Iyayi ọre Jekọb ya na erhunmwu ne ọkpọkpa vbe ivbi e Josẹf vbe ọ te wu, ọ keghi ye ọkpọ tua otọ, ọ na ga Osanobua.

Jọsua 17:17

E Jọsua keghi tama ẹwae Ifreim kevbe Manasẹ ne odẹ orrie wẹẹ, “Wa gele wa bun ẹsẹse, wa kevbe mwẹ ẹtin ẹsẹse. Ọ gha gberra oghae ọkpa ne ọ gha sẹ uwa obọ.