Gẹnẹsis 48:15 - Edo Bible (E Baibol Ẹdo) Version 1996

¹⁵ Ọ keghi fiangbe iran. “Te Osanobua gha fiangbe emọ na! Osanobua ne Ebraham kevbe Aizik ne erhamwẹ gae! Te Osanobua ne ọ su mwẹ sẹ ẹdẹnẹrẹ na, gha fiangbe iran!

Gẹnẹsis 48:15 ပူးပေါင်းရင်းမြစ်များ

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 24:20

Ọ re ọ na tue esago ẹre ye ọkpan ne avbe aranmwẹ, iran na wọn amẹ, ọ na dọlegbe gha rrie uhae ya sa ọvbehe ọ te do sa gba avbe ekẹtẹkẹtẹ nii obọ.

Gẹnẹsis 24:40

Rẹn keghi wanniẹn wẹẹ, ‘Nọyaẹnmwa, ọmwa ne I mẹ gha họn ẹmwẹ na vbe ẹghẹ hia gha gie odibo ẹre leluẹ, ne ọ rhie arudinodẹ nuẹn. Uwe emwa mwẹ ọre u gha na rhie okhuo ne ovbi mwẹ, kevbe uwe ẹgbẹe erha mwẹ.

Gẹnẹsis 27:27

Ugbẹn vbe ọ ghi sikẹ ọre ne ọ do ya unu soso ẹre unu, Aizik keghi winhin ukpọn rẹn, ọ keghi fiangbẹe wẹẹ, “Uwinhinmwẹ ovbi mwẹ na yevbe ọghe otọe ne Nọyaẹnmwa fiangbe!

Gẹnẹsis 27:4

U ghi le evbare ne ọ rhiẹnrhiẹn, egbe ne ọ yẹ mwẹ ne u mu gun mwẹ. I ghi rriọe, ẹkpo nii I ghi rhie afiangbe mwẹ ne okiekie nuẹn vbe I te wu.”

Gẹnẹsis 28:20

Ẹre Jekọb ghi na yan vbe odaro Nọyaẹnmwa Osanobua wẹẹ, “A deghẹ u yaba mwẹ, u na degue mwẹ vbe okhian ne I ye na, u na rhie evbare kevbe ukpọn mẹ,

Gẹnẹsis 28:22

Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”

Gẹnẹsis 28:3

Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.

Gẹnẹsis 35:3

Ma ra kpao vbe emwa gha rrie Bẹtẹl, ehe ne I gha na gba aka ne Osanobua ne ọ yọmwẹ obọ vbe ẹghẹ ọlọghọmwa mwẹ, kevbe ne ọ vbe yaba mwẹ vbe eheikehe ni I he la.”

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Gẹnẹsis 49:22

Ekẹtẹkẹtẹ oha ọre Josẹf khin, ekẹtẹkẹtẹ oha ne ọ rre ọkpẹn ẹzẹ, ivbi e ekẹtẹkẹtẹ ni rre ọkpẹn oke.

Gẹnẹsis 49:24

sokpan uhanbọ irẹn ma bẹghe, a ya ekuabọ iran wegbe vbekpa ẹtin ọghe Osanobua Noghodua ọghe Jekọb, vbe obọ Osanobua nii, ọmwa ne ọ degue Izrẹl.

Gẹnẹsis 49:28

Enena ọrọre ẹwae iweva ni rre Izrẹl, ena ọ vbe re ẹmwẹ ne erha iran tama iran. Vbe ehe ne ọ na ya ẹmwẹ ne ọrhiẹnrhiẹn gbe ọ khian ẹdẹ hia ne iran.

Gẹnẹsis 6:9

Okha ọghe Noa ọre ena khin. Emọ eha ọre ọ biẹlẹe, Siẹm, Ham kevbe Jafẹt. E Noa kegha re ọmwa esi ne ọre ọmwa ọkpa kẹkan ne Osanobua ta ẹmwẹ ọnrẹn ẹse ẹghẹ nii, rẹn kegha gu Osanobua mu obọ.

I Ọba 3:6

E Solomọn keghi wanniẹn wẹẹ, “Erriọ ọ re u vbe gha ho ẹmwẹ e Devid ne erha mwẹ, ọguọmwadia ruẹ, rẹn keghi wa vbe gha maa, ọ guobọ ruẹ, ọ na vbe gha re ne ọ gie a mu ẹtin yan vbe emwi ne ọ gha ru vbe odaro ruẹ. U keghi ye vbe gha ho ẹmwẹ ọnrẹn khian, vbe ekpa ne u na rhie ọmọ okpia ne ẹẹn ne ọ rriọba lele ẹe.

I Krọnikol 5:1

Ivbi uniẹn e Riubẹn ighẹ ovbi e Jekọb ne ọdiọn ọ re ena khin. (Rhunmwuda ne ọ na gu ọkpa vbe uwu avbe egbakhian erha ẹe ru emwi ọdọ vbe amwẹ, ọ keghi mu ehe ọghe emwi ni te khẹke ọmọdiọn fua, a na mu ne Josẹf.

Psalm 16:8

Ẹghẹ hia mẹ ya rẹn wẹ, Nọyaẹnmwa rre emwa na. Ọ sikẹ mwẹ, emwi ne ọ gha mu mwẹ rueghe ighi rrọ.

Psalm 23:1

E Nọyaẹnmwa ọrọre ọsuohuan mwẹ, mẹ i vbabọ emwikemwi.

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Ẹksọdọs 3:16

Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

Ẹksọdọs 4:5

E Nọyaẹnmwa keghi kha wẹẹ, “U ghi ru ọna ne ivbi Izrẹl miẹn ehe na yayi wẹ, e Nọyaẹnmwa Osanobua avbe erha iran odede, Osanobua Ebraham, Osanobua Aizik kevbe Osanobua ọghe Jekọb gele rhie egbe ma ruẹn.”

Asan-Ibo 5:12

Ọmwa ne ọ winna sẹtin miẹn evbare gha re, ugbẹnso, ẹ i vbe miẹn re. Vbene ọ rhirhi a gha ye hẹ, asọn gha rre ọ ghi miẹn ovbe vbiẹ khuẹrhẹ. Sokpan, emwi ne ọmwa ne ọ fe mwẹ bun sẹrriọ wẹ afianma ighi gie ẹe miẹn ovbe vbiẹ.

Asan-Ibo 5:18

Emwi ne I gualọ otọ ẹre miẹn ọ re ọna khin wẹ, emwi ne ọ kei ne ọmwa sẹ ọrọre ne ọ gha re, ne ọ gha da, ne ọ ye emwi ne ọ miẹn ẹsọn yi gha zọmọ vbe ẹdagbọn kherhe ne Osanobua rhie ne ẹẹn na: uhunmwu ne ọmwa mu rre ọ re onii khin.

Asan-Ibo 6:7

Ọmwa ghi winna iwinna rẹn ne ọ sẹtin miẹn evbare unu re, sokpan ẹ i mwẹ ọnrẹn sẹ ọkẹn.

Aizaia 30:21

Wa gha bibi odẹ la obọ erha ọmwa ra obọ iye ọmwa, wa gha họn vbe urhu ẹre a gha tama uwa vbe odieke wẹẹ, “Wa ghe odẹ, wa lelẹe.”

Aizaia 33:16

Ẹghẹ nii, wa gha rrọọ vbe ai mwẹ ẹbe, ẹkun ghi vbe sẹ uwa otọ vbene a miẹn wẹ, uwu owa ọkhẹ ne Ọ wegbe ọ re uwa ye. Wa gha miẹn evbare gha re, wa ghi vbe miẹn amẹ gha wọn.

Jerimaia 8:2

Ne a gha na te si iran koko ne a re iran, a gha zagha ugboloko iran lele otọe zẹ vbe emwi ne a ya ye emwiokọ maa sayọ. A gha wawa iran lele otọ vbe uwu ovẹn, kevbe uki kevbe avbe orhọnmwẹ ne ọ wa yẹ avbe emwa na, kevbe ne iran vbe gha ghoo, ne iran vbe gha gualọ otọ emwi vbe obọ ẹre, kevbe ne iran gha ya uhunmwu rhanmwẹ otọ na.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

Diuteronomi 33:1

Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.

Kọlose 2:6

Vbene uwa ghi na rhan obọ miẹn Kristi Jesu nẹ nian zẹ vbe Nọyaẹnmwa, wa ku ẹdẹ agbọn uwa gbe ba ọghọe.

I Tẹsalonaika 2:12

Ma rhie ẹtin ye uwa iwu, ma fu uwa ẹko rre, ma kegha kan rẹn ye uwa ehọ wẹ, ne uwa gha yin vbene ọ gha yẹ Osanobua, ọmwa ne ọ tie uwa ne uwa do gu irẹn ghae, vbe Arriọba kevbe uyi ẹre.

Hibru 11:21

Iyayi ọre Jekọb ya na erhunmwu ne ọkpọkpa vbe ivbi e Josẹf vbe ọ te wu, ọ keghi ye ọkpọ tua otọ, ọ na ga Osanobua.