Gẹnẹsis 48:14 - Edo Bible (E Baibol Ẹdo) Version 1996

¹⁴ Sokpan Izrẹl keghi gbe obọ ẹre akinnọ, ọ na rhie obọ erha ọmwa rẹn yan Ifreim uhunmwu, rẹn ne ọ re ọvbokhan kevbe obọ iye ọmwa rẹn yan Manasẹ uhunmwu, rẹn zẹ ọ re ọdiọn.

Gẹnẹsis 48:14 ပူးပေါင်းရင်းမြစ်များ

Gẹnẹsis 41:51

E Josẹf keghi kha wẹẹ, “Osanobua gunmwe mianmian oya ne I re hia kevbe ẹgbẹe erha mwẹ.” Ọ na he ovbi ẹre nọdiọn Manasẹ.

Gẹnẹsis 41:52

Ọ keghi vbe kha wẹẹ, “Osanobua viọ emọ gunmwẹ vbe ẹvbo ne I na miẹn ọlọghọmwa.” Ọ keghi he ovbi ẹre ne ukpogieva Ifreim.

Gẹnẹsis 46:20

Asẹnat ne ovbi e Pọtifera ne ohẹn On, keghi biẹlẹ Manasẹ kevbe Ifreim ne Josẹf vbe Igipt.

Gẹnẹsis 48:13

E Josẹf keghi viọ iran obọ, Ifreim vbe obọ erha ọmwa irẹn, vbene ọ gha na gha rre obọ iye ọmwa Izrẹl kevbe Manasẹ vbe obọ iye ọmwa irẹn, vbene ọ gha na gha rre obọ erha ọmwa Izrẹl, ọ na viọ iran bu ẹre gha dee.

Gẹnẹsis 48:17

Ẹko ma rhiẹnrhiẹn e Josẹf vbe ọ miẹn wẹ erha ẹe rhie obọ erha ọmwa yan Ifreim, rẹn keghi rhie ẹre obọ hin uhunmwu Ifreim rre ne ọ rhie ẹre ye uhunmwu e Manasẹ.

Gẹnẹsis 48:18

Ọ keghi tama erha ẹe wẹẹ, “Ẹ i re erriọ Evbavba, ọna ọrọre ọdiọn, rhie obọ erha ọmwa ruẹn yan ẹnrẹn uhunmwu.”

Psalm 110:1

E Nọyaẹnmwa tama e naẹn mwẹ wẹẹ, “Tota ye obọ erhọmwa mwẹ vbe emwa na, vbe I te do viọ avbe eghian ruẹn ye atataowẹ ruẹ.”

Psalm 118:16

Ẹtin ẹnrẹn ọ re ọ rhie akhọnmiotọ ne ima ẹtin ẹnrẹn nọkhua nii ne ọ ya khọn okuo!”

Ẹksọdọs 15:6

E Nọyaẹnmwa, ọyunnuan ọre ẹtin obọ erha ọmwa ruẹn khin, ọ guọghọ avbe eghian rẹnkhẹnrẹnkhẹn.

Nọmbas 2:18

“Iran ni rre ototọ asa oka ọghe Ifreim ghi ya otuotu bu agọ iran ye asefẹn orrie vbọ vbe ototọ ọkaolotu iran vbe nian. Ẹwae Olotu Inu emwa ni rrọọ Ifreim Eliasiama ne ovbi Amihud Iyisẹn isẹn yan arriaisẹn iyeva (40,500) E Manasẹ e Gamaliẹl ne ovbi e Pẹdazọ Uri vbe arriaisẹn eva yan ọgban (32,200) E Bẹnjamin Abidan ne ovbi e Gidiọn Uri eva yan arriaisẹn isẹn yan ọgban: (35,400) Ehia kegha re iyisẹn vbe arriaisẹn erẹnrẹn yan iyisẹn (108,100) Ọka ọghe Ifreim ghi gha re ukpogieha ne ọ gha si okhian.

Nọmbas 8:10

Ivbi Izrẹl ghi viọ obọ iran yan avbe Livai uhunmwu.

Nọmbas 8:18

Banbanna nian, avbe Livai ọ re I ghi viọ ye ihe emọ ọdiọn ọghe ivbi Izrẹl.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Matiu 19:13

Emwa eso keghi viọ ibiẹka giẹrẹ bu Jesu rre ne ọ viọ obọ yan iran na erhunmwu. Sokpan avbe erhuanegbe kegha gu iran gui.

Matiu 19:15

Ọ ghi viọ obọ yan iran nẹ, ọ na si okhian.

Matiu 6:5

“U gha na erhunmwu, ghẹ ya egbe ta avbe ni zẹ imamase ni mudia na erhunmwu vbe Ọgua ediọn kevbe ihuada ne agbọn miẹn ehe na gha dẹghe iran, Ne I tama uwa, ere ne ọ rre iran re wa vbe fo ye evba nẹ.

Iyẹn ne ọ Maan Ọghe Luk 13:13

Rẹn keghi rhie obọ yan rẹn, ọwarọkpa nii okhuo nii keghi nien egbe ua, ọ na gha rho Osanobua vbe uyi.

Iyẹn ne ọ Maan Ọghe Luk 4:40

Ovẹn ghi dero nẹ, emwa hia ni ghi mwẹ ọmwa ne ọ khuọnmwi emianmwẹ ne ọ rhirhi ghi khin keghi viọ iran bu Jesu gha dee, ọ keghi viọ Obọ ẹre yan dọmwadẹ ọghọe vbe uwu iran, ọ keghi mu iran hia egbe rran.

Iwinna 13:3

Iran keghi yo aguẹ, iran na na erhunmwu, iran ghi viọ obọ yan iran uhunmwu nẹ, iran na wẹ ne iran gha khian.

Iwinna 6:6

Iran viọ iran gie avbe ukọ, iran keghi na erhunmwu ne iran, iran na viọ obọ yan iran uhunmwu.

Diuteronomi 34:9

E Jọsua ne ovbi Nọn keghi vuọn ne ẹwaẹn rhunmwuda, e Mosis zẹ ọe nẹ ne ọ rhie ihe irẹn. Ivbi Izrẹl keghi wa gha họn ẹmwẹ ne Jọsua, iran kegha lele uhi ne Nọyaẹnmwa la obọ e Mosis rhie gie iran.

I Timoti 4:14

Ghẹ ya emwi orhiọn ne a ya wuẹ rhọ eghẹrẹ, ne a rhie nuẹn ẹghẹ ne a vbe akhasẹ na guan kevbe ne avbe ediọn na viọ obọ yan ruẹn uhunmwu.

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.