Gẹnẹsis 47:7 - Edo Bible (E Baibol Ẹdo) Version 1996

⁷ Ẹre Josẹf na rhie Jekọb ne erha ẹe do ma ọba, e Jekọb keghi fiangbe ọba.

Gẹnẹsis 47:7 ပူးပေါင်းရင်းမြစ်များ

Gẹnẹsis 14:19

ọ keghi fiangbẹe vbe nian wẹẹ, “Te Osanobua Nọyosẹ, ne ọ yii ẹrinmwi kevbe agbọn, gha fiangbe Ebram!

Gẹnẹsis 35:27

E Jekọb keghi bu Aizik ne erha ẹe gha die Mamrẹ ne ọ rre ọkpẹn Hibrọn ehe ne Ebraham kevbe Aizik ka yin.

Gẹnẹsis 47:10

E Jekọb keghi na erhunmwu ọ khian ẹdẹ hia ne Fero, ọ na kpao.

Gẹnẹsis 47:8

Ọba keghi nọ rẹn wẹẹ, “Inu ukpo u ye na?”

II Samuẹl 14:22

E Joab keghi ya ọghọ mu ẹko rhu otọ ne Devid, ọ wẹẹ, “Te Osanobua gha fiangbe uẹ, Umogun, wanwanna nian, I rẹnrẹn wẹ ẹko mwẹ ma ruẹn, rhunmwuda, u ru emwi ne I nọ rẹn mẹ.”

II Samuẹl 19:39

Ẹre Devid vbe emwa rẹn hia na do fian e Jọdan rra. Ọ keghi mu e Bazilai unu hiẹnhiẹn, ọ na na erhunmwu ne ẹẹn, ẹre Bazilai na dọlegbe gha rrie owa.

II Samuẹl 8:10

Ọ keghi rhunmwuda ọnii gie ovbi ẹre ighẹ Joram bu e Devid ne ọba ne ọ ya we ẹre do kevbe ne ọ gbe ọbevbaru ne ẹẹn rhunmwuda ne ọ na khọn e Hadadezẹ muotọ, ọmwa ne irẹn vbe Toi ka gba gbinna inugba ne ọ khin. E Joram keghi viọ avbe emwi ne a ya esiliva, igoru kevbe oze ru mwẹ obọ gha khian.

I Ọba 1:47

Ye vbe sẹ ọnii, evba iwẹguae na niẹn obọ ne Devid ne ọba, iran keghi kha wẹẹ, ‘Te Osanobua gha gie Solomọn hin usi sẹ ruẹ, kevbe ne ẹghẹ ọre gha re ọghe ọwọrhọwọrhọ sẹ ọwuẹ.’ Ẹre Devid ne ọba na vbokho uhunmwu rre ọghe ugamwẹ vbe ukpo ne a vbiẹ ọghe ọe.

I Ọba 8:66

Vbe ikpẹdẹ ne ogierẹnrẹn, e Solomọn keghi zẹ. emwa ni hia urrie, iran hia keghi tian rẹn, iran kegha rrie owa vbe ne ọyẹnmwẹ na sẹ iran ye emwi esi hia ne Nọyaẹnmwa ya ne Devid ne ọguọmwadia ẹre kevbe ivbi Izrẹl ne emwa rẹn.

II Ọba 4:29

Elaisia keghi mu aro da Gehazi ọ wẹẹ, “Ẹgiẹgiẹ! Rhie ọkpọ mwẹ ne u gha khian. Ghẹ mudia tuẹ ọmwa ne u vba vbe odẹ, a deghẹ emwa vbe tuọ, ghẹ mudia miẹn ẹre otuẹ. Wa la uwu owa nii gha khian ne u ya da ọkpọ mwẹ yi yan ọmọ okpia nii.”

Ẹksọdọs 12:32

Wa viọ ohuan uwa kevbe ẹwe kevbe ẹmila zẹ vbene uwa nọ rẹn, ne uwa kpao. Wa ghi vbe nọ afiangbe ne imẹ ba ẹre.”

Matiu 26:26

Ugbẹn vbe iran ghi rri evbare, Jesu keghi mu ududu ebrẹd, ọ na erhunmwu ekpọnmwẹ, ọ bun ẹnrẹn, ọ keghi rhie ne avbe erhuanegbe ẹre, ọ wẹẹ, “Wa miẹn ne uwa rri ọ e, egbe mwẹ ọ re nọ.”

Iyẹn ne ọ Maan Ọghe Luk 22:19

Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.”

Jọsua 14:13

E Jọsua keghi na erhunmwu ne Kelẹb ne ovbi Jefunẹ, ọ na mu Hibrọn ne ẹẹn ne ogha re ọghọe.

Jọsua 22:6

E Jọsua ghi ya erhunmwu zẹ iran na urrie nẹ, ọ keghi tama iran wẹẹ, “Ke uwa kevbe ẹfe ni bun ọre ọ ghi gba rrie owa na, ẹmila ọrhẹnrhẹn, esiliva, igoru, oze, ematọn kevbe ukpọn ni bun. Wa ghae ne ivbi Izrẹl ne ihua uwa vbe avbe emwi ne uwa miẹn avbe eghian uwa ẹre.” Iran keghi kpao gha rrie. E Mosis mu otọe eso vbe odẹ ahọ ne ẹwae Manasẹ nẹ vbe odẹ ahọ e Jọdan sokpan e Jọsua keghi mu otọ ne obọ nọkpa vbe orrie ọghe Jọdan deba ẹwae nekpa.

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

I Samuẹl 2:20

Ẹghẹ nii, Elai ghi fiangbe Ẹlkana kevbe ọvbokhan rẹn, ọ ghi khama Ẹlkana wẹẹ, “E Nọyaẹnmwa ne ọ gie okhuo na biẹlẹ emọ ọvbehe nuẹn ne ọ rhie ihe ọnọna ne u ya fi ohan ne ẹẹn na.” Iyeke onii, iran ghi werriegbe gha rrie owa.