Gẹnẹsis 47:30 - Edo Bible (E Baibol Ẹdo) Version 1996

³⁰ I ho ne a mu mwẹ yotọ vbe ehe ne a vbe munọ avbe erha mwẹ yi. Mu mwẹ hin Igipt rre ne u vbe ya mu mwẹ ye idin iran.” E Josẹf keghi wanniẹn wẹẹ, “I gha ru vbene u khare.”

Gẹnẹsis 47:30 ပူးပေါင်းရင်းမြစ်များ

Gẹnẹsis 15:15

A gha re rue vbe u gha ghi tọ sẹ nẹ ẹsẹse.

Gẹnẹsis 23:17

Erriọ ọre ewe ne ọ te re ọghe Efrọn vbe Makpẹla ne ọ rre odẹ ahọ ọghe Mamrẹ do ya khian ọghe Ebraham. Ọ keghi dẹ otọe nii kẹe kevbe uvun okuta ne ọ rrọọ, kevbe erhan hia nii rre otọe nii ya sẹ eke ne ọ ghi sẹ.

Gẹnẹsis 23:19

Ẹre Ebraham na ya re amwẹ ọnrẹn ighẹ Sera ye uweu okuta na vbe otọe Kenan.

Gẹnẹsis 25:10

Ọ keghi re otọ ne Ebraham gu Hiti dẹ. Evba ọre a re Ebraham kevbe Sera ne amwẹ ọnrẹn yi.

Gẹnẹsis 25:9

Ivbi ẹre ighẹ Aizik kevbe Ismẹl keghi re ẹre ye uvun okuta Makpẹla vbe otọe ne ọ te ka gha re ọghe Efrọn ne ovbi e Zoha ne Hiti vbe odẹ ahọ Mamrẹ.

Gẹnẹsis 35:29

vbe ọ wu. Ọ keghi yaba emwa rẹn ni wulo nẹ vbe ọ wa khian ọ maẹn nẹ. Isọ kevbe Jekọb ne ivbiẹre keghi re ẹre.

Gẹnẹsis 50:25

Ẹre Josẹf na ya emwa irẹn vẹn ihẹn, ọ wẹẹ, “Wa yan ma mwẹ wẹ, ẹghẹ ne Osanobua gha na viọ uwa, gha rrie otọe nii wa gha mu ikun mwẹ ba egbe kpao.”

II Samuẹl 19:37

U ghi gun mwẹ dọlegbe gha rrie owa ne I ya wu vbe ehe ne ọ diake idin avbe evbibiẹ mwẹ. Ghe ovbi mwẹ ighẹ Kimham rhie ẹre mwẹ obọ gha khian Umogun, ne ọ gha ga a, u ghi ru emwi ne ọ ghi yẹ ruẹ ne ẹẹn.”

II Samuẹl 2:32

E Joab kevbe emwa rẹn keghi mu ikun Asahẹl, iran na ya re ẹre ye idin ẹgbẹe ne ọ rre Bẹtlẹhẹm. Iyeke ọnii, iran keghi wa ye asọn hia khian, iran na do sẹ Hibrọn vbe ẹdẹ ghi da wan.

I Ọba 13:22

sokpan u na werriegbe ya rrie evbare vbe ehe ne ọ tama ruẹn wẹ ne u ghẹ na rri evbare, iran gha gbe uẹ ua, a i ra vbe re ruẹ ye idin ẹgbẹe ruẹ.”

Nehimaia 2:3

Rhunmwuda ọnii, I keghi wanniẹn wẹẹ, “U gha tọ u kpẹre Umogun, vbọzẹ ne ekhọe mwẹ i ra na rhia ugbẹn vbe a miẹn wẹ ẹvbo ne a re avbe erhamwẹ odede yi, a rẹnkhọn ruan, a keghi ya erhẹn giẹn urho ne ọ rrọọ?”

Nehimaia 2:5

I na tama ọgbaisi wẹẹ, “A deghẹ I miẹn aro ne ọ maa vbe obọ ruẹ, Umogun, u na vbe wẹ u gha rhie emwi ne I nọrẹn mẹ, gun mwẹ gha rrie Juda, ẹvbo nii ne a ree avbe erha mwẹ odede yi, ne I ya dọlọ ẹvbo nii bọ.”

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.