Gẹnẹsis 47:29 - Edo Bible (E Baibol Ẹdo) Version 1996

²⁹ Ọ ghi bu ẹghẹ ne Izrẹl gha ya wu, ọ keghi tie Josẹf ne ovbi ẹre, ọ tama rẹn wẹẹ, “Lahọ, do viọ obọ ruẹ yọ mwẹ akharha ne u yan ma mwẹ wẹ, u gha ya ẹkoata gha ru emwi ne ọ maa ghe mwẹ, wẹ u i ra mu mwẹ yotọ vbe Igipt.

Gẹnẹsis 47:29 ပူးပေါင်းရင်းမြစ်များ

Gẹnẹsis 24:2

Ọ keghi tama ne ọ ghi re ọdiọn vbe avbe eguọmwadia ẹre hia, ne ọ vbe gbearoghe emwi ne ọ mwẹ hia wẹẹ, “Do viọ obọ yọ mwẹ akharha ne u vẹn ihẹn.

Gẹnẹsis 24:49

Banbanna na nian, a deghẹ te u ra ru zẹ vbene ọ khẹkuẹ ne arowa mwẹ, tama mwẹ, a deghẹ ẹ i re vberriọ vbe tama mwẹ ne I miẹn ehe na rẹn emwi ne I gha ru.”

Gẹnẹsis 27:2

Aizik keghi khama rẹn wẹẹ, “U miẹn nian wẹẹ I khian ọmaẹn nẹ. I sẹtin wu vbe ọ ma he kpẹe ban,

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Gẹnẹsis 47:9

E Jekọb keghi wanniẹn wẹẹ, “Ukpo ọgban yan iyisẹn ọre i he ya zozo. Avbe ukpo na keghi re ni i bun sokpan ọ kegha re ọghe ọlọghọmwa, ọ ma zẹdẹ yevbe avbe ukpo ne avbe erha mwẹ ya zozo.”

Gẹnẹsis 48:21

E Jekọb keghi tama e Josẹf wẹẹ, “Ghe, ẹghẹ uwu mwẹ sikẹ otọ fo. Sokpan Osanobua gha yaba ruẹ, ọ ghi vbe dọlegbe rhie ruẹ gha die otọe avbe erha a odede.

Gẹnẹsis 50:12

Erriọ ọ re ivbi Jekọb ru zẹ vbene ọ tama iran.

Gẹnẹsis 50:5

“Ẹghẹ ne erha mwẹ ra na wu, ọ na ya mwẹ vẹn ihẹn wẹ I gha ya re irẹn ye idin ne ọ tobọ re fian vbe otọ Kenan, Lahọ gunmwẹ ya re erhamwẹ ne I vbe dọlegbe gha dee.”

II Samuẹl 14:14

Te ima gha he wulo, te ima yevbe amẹ ne a rhurhẹe ku otọ ne ẹ i ghi gia dọlegbe si koko. Emwa gha wulo, uhin ighẹ Osanobua ighi vbe dọlegbe viọ iran gha die agbọn. Sokpan ọba sẹtin gualọ odẹ la rhie ọmwa ke iwe rre.

II Samuẹl 2:32

E Joab kevbe emwa rẹn keghi mu ikun Asahẹl, iran na ya re ẹre ye idin ẹgbẹe ne ọ rre Bẹtlẹhẹm. Iyeke ọnii, iran keghi wa ye asọn hia khian, iran na do sẹ Hibrọn vbe ẹdẹ ghi da wan.

II Samuẹl 7:12

Wẹ gha ghi wu, a na vbe re ruẹ ba avbe erha a odede nẹ, I gha ya ọkpa vbe uwu ivbi uẹ ma ọba, I ghi vbe gie arriọba ẹre digiẹ.

I Ọba 2:1

E Devid ghi ra wu, ọ keghi tie Solomọn ne ovbi ẹre, ọ keghi gie uhunmwu okiekie wẹẹ:

Job 14:14

Ọmwa gha wu nẹ, ọ gha ye rhiọrre do gha rrọọ ra? Sokpan, mẹ gha diakhẹ ẹghẹ ne ọ maa sẹẹ.

Job 30:23

I rẹnrẹn ighẹ uwu ọ re u rhie mwẹ rrie na, ẹmwẹ agbọn ne a mwamwa khẹ emwa hia.

Job 7:1

“Ẹdagbọn ọmwa nagbọn, te ọ ye vbe okuo ne a ya ẹtin mu ọmwa gha rrie.

Psalm 49:7

Ọmwa ọkpa ne ọ gha sẹtin dẹ egbe ẹre werriegbe i rrọọ. Ẹ i sẹtin ha osa ive orhiọn rẹn werriegbe ne Osanobua.

Psalm 49:9

Ne ọ gha na wẹ ne ọ ghẹ ghi la idin ne ọ vbe gha rre agbọn ẹdẹdẹmwẹdẹ.

Psalm 6:5

A i ye ruẹ rre vbe ẹvbo iran ni wulo nẹ, ọmwa rhọkpa i sẹtin rho ruẹ vbe evba.

Psalm 89:48

De ọmwa ne ọ gha sẹtin gha rrọ ne ẹ i ra wu yi? Vbe ọmwa ra ya rhie egbe ẹre lẹ ne idin hẹ?

Diuteronomi 31:14

Ẹre Nọyaẹnmwa na tama Mosis wẹẹ, “Ẹghẹ ne u ra ya vbe agbọn ma ghi mobọ tan. Tie Jọsua ne u rhie ẹre gha die uwu Owa Ukpọn, ne I miẹn ehe na vbe ta ẹmwẹ ọghe ọe ma rẹn.” Ẹre Mosis kevbe Jọsua na la uwu Owa Ukpọn,

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Hibru 11:22

Iyayi ọre a ya miẹn wẹ, ọ ghi bu ẹghẹ ne Josẹf ra ya wu, ọ keghi ye unu kan ẹmwẹ vbene ivbi Izrẹl gha kpao vbe Igipt rre hẹẹ, ọ na tama iran vbene iran gha ru ikun irẹn hẹẹ.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

Jọsua 2:14

Ikpia nii keghi wanniẹn tama rẹn wẹẹ, “Te Osanobua gha miẹn ima uhunmwu vbe ima ma ru vbene u khare. A deghẹ u ma te emwi ne ima ru na ladian, ma gha ye obọ esi mu uẹn vbe e Nọyaẹnmwa a mu otọe na ne ima.”

Jọsua 23:14

“Banbanna nian, te imẹ ghi ra wu, dọmwadẹ ọghọe vbe uwu uwa rẹnrẹn vbe uwu ekhọe kevbe orhiọn rẹn wẹ e Nọyaẹnmwa Osanobua uwa viọ emwi esi hia ne a ve uwa re ne uwa nẹ. Emwi hia ne ọ yanrẹn, a ru iran nẹ, ọkpa ne ọ fira vbe uwu eyan nii, ẹ i rrọọ.

I Samuẹl 26:10

E Devid keghi rhiete ẹe wẹẹ, “I ya Nọyaẹnmwa ne ọ rrọọ vẹn ihẹn wẹ, e Nọyaẹnmwa tobọ ẹre ọ re ọ ra gbe Sọl deghẹ vbe ẹghẹ ọ re a ghi sẹ nẹ nọ, ra vbe okuo.