Gẹnẹsis 47:24 - Edo Bible (E Baibol Ẹdo) Version 1996

²⁴ Ọ gha sẹ ẹghẹ emwiorhọ, wa ghi ghae ehia ye ihe isẹn, wa ghi viọ obọ ọkpa gie ọba, ni dekẹe ghi gha re ọghe uwa, ne uwa ya gha kọ, ne uwa gha re, emwa uwa kevbe ivbi uwa.”

Gẹnẹsis 47:24 ပူးပေါင်းရင်းမြစ်များ

Gẹnẹsis 14:20

Te Osanobua Nọyosẹ, ne ọ rhie akhọnmiotọ nuẹn vbe uhunmwu avbe eghian ruẹn gha re ne a rho!” Ebram keghi wa emwi ne ọ viọ rre ye ihe igbe, ọ na viọ obọkpa vbọ ne Mẹlkizẹdẹk.

Gẹnẹsis 14:21

Ọba ọghe Sọdom keghi tama Ebram wẹẹ, “Viọ emwi hia ne u viọ rre gha khian sokpan viọ avbe emwa mwẹ dọlegbe mẹ.”

Gẹnẹsis 28:22

Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”

Gẹnẹsis 41:34

U ghi vbe zẹlẹ ewọe lele otọe ẹvbo na hia ne u ghae emwiokọ ne a gha miẹn vbe ẹghẹ ne emwi gha na kpọ ye ihe isẹn, u ghi viọ obọkpa vbọ.

Gẹnẹsis 47:23

E Josẹf keghi tama emwa ni wẹẹ, “Wa miẹn ọẹn nian wẹ I dẹlẹ uwa dẹlẹ otọ uwa ne ọba nẹ, wa miẹn emwiokọ nian ne uwa kọ ye otọ uwa.

Gẹnẹsis 47:25

Iran keghi wanniẹn wẹẹ, “U miẹn ima fan nẹ, u ru ima ẹse nẹ enọwanrẹn, ma gha gele gha re eviẹn ọba.”

Psalm 112:5

Afiangbe ọrọre ọghe ne ọ zẹ emwi obọ vbekpa igho ne a rhie ne emwa mọmọ, ne ọ vbe ye ai ru ero do ẹki ẹre.

Psalm 41:1

Afiangbe nọ ne ọmwa ne ọ mu ọghe ovbiogue ro; e Nọyaẹnmwa gha ye iran obọ vbe ẹghẹ ibaro.

Levitikọs 27:30

A ghae ye ihe igbe ọghe emwi okọ hia, ọghe Nọyaẹnmwa nọ, ọ re ọka nọ ra avbe ọmọ erhan.

Levitikọs 27:32

Vbe uwu avbe emwirri igbe, ọkpa vbọ ghi gha re ọghe Nọyaẹnmwa. A gha ka avbe emwirri, ogigbe vbọ, ọghe Nọyaẹnmwa nọ.

Nọmbas 18:21

E Nọyaẹnmwa keghi kha wẹẹ, “A ghae ye ihe igbe ne ivbi Izrẹl hẹ gunmwẹ, I ya ne avbe Livai. Ọ na ọrọre osa ne a ha iran re ye iwinna ne iran winna ya gbearoghe Owa Ukpọn Ile.

Diuteronomi 14:22

“Rhie ọkpa vbe igbe ye otọ, obọ ọkpa vbe a ghae emwiokọ ne u miẹn vbe ugbo ruẹ vbe ukpo ni hia ye ihe igbe.

Diuteronomi 26:12

“Vbe ukpo ne ogieha u ghi gha viọ a wa ye ihe igbe, obọ ọkpa vbe a gha emwiorhọ ruẹ ye ihe igbe ne avbe Livai, avbe erriọvbe, emọ ne ẹ i mwẹ erha kevbe ẹgbẹ, ne a miẹn ehe na miẹn wẹ, ẹbu ke ẹbu ne iran a rhirhi a gha ye, iran ghi gha miẹn re ne ẹko vuọn iran. U gha ru vberriọ.