Gẹnẹsis 47:22 - Edo Bible (E Baibol Ẹdo) Version 1996

²² Otọe ne ọ ghi sẹrae ne ọ ma dẹ keghi re ọghe avbe ohẹn. Emwi ne ọ gha ye iran khiẹn otọ iran irrọọ, rhunmwuda te ọba gha rhie evbare ne iran re ne iran.

Gẹnẹsis 47:22 ပူးပေါင်းရင်းမြစ်များ

Gẹnẹsis 14:18

E Mẹlkizẹdẹk ne ọba Salẹm kevbe ne ọ vbe re ohẹn ọghe Osanobua Nọyosẹ keghi viọ ebrẹd kevbe ayọn gie Ebram,

Gẹnẹsis 41:45

Ọ keghi he Josẹf eni gha tiẹre Zafenat-Pania. Ọ keghi rhie okhuo ne a tiẹre Asẹnat nẹẹn, ovbi e Pọtifera ne ohẹn ẹvbo ne a tiẹre Helio-polis.

Gẹnẹsis 41:50

Ukpo ne ukhunmwu na fi ghi te do suẹn, Asẹnat keghi biẹlẹ emọ ikpia eva ne Josẹf.

Gẹnẹsis 47:21

E Josẹf keghi ye emwa Igipt hia khian eviẹn la ehe ne otọe ni sẹe ehe ne ọ rhanmwẹ.

Gẹnẹsis 47:23

E Josẹf keghi tama emwa ni wẹẹ, “Wa miẹn ọẹn nian wẹ I dẹlẹ uwa dẹlẹ otọ uwa ne ọba nẹ, wa miẹn emwiokọ nian ne uwa kọ ye otọ uwa.

Gẹnẹsis 47:26

E Josẹf keghi yi ẹre iyi wẹ a gha wa ẹre ye ihe isẹn, obọkpa vbe emwiokọ ne a rhọre ghi gha re ọghe ọba. Te iran ye lele uhi na do sẹ ẹdẹnẹrẹ na. Otọe avbe ohẹn ọkpa ọre ọ ma khian ọghe ọba.

II Samuẹl 8:18

E Benaia ne ovbi Jehoaida, kegha re ọkaolotu iran ne Devid hẹ gaga egbe, ivbi e Devid kevbe gha re ohẹn.

Ẹzra 7:24

Ghẹ koko igho uhunmwu vbe obọ avbe ohẹn ra avbe Livai, ikpemaba, iran ni khẹ odẹ, iran ni winna, ra ọmwaikọmwa ne ọ ghi mwẹ emwi ne ọ ru nẹ vbe Ọgua Osa.

Nehimaia 13:10

I keghi vbe họn wẹ avbe ikpemaba Ọgua Osa kevbe avbe Livai kpao vbe Ọgua Osa rre gha rrie ugbo iran rhunmwuda avbe emwa ni ma ghi viọ emwi ne ọ gha sẹ iran gha re rre.

Matiu 10:10

Wa ghẹ rhie ẹkpo ọ vbu evbare mwẹ obọ, wa ghẹ rhie ẹwu ra ibata ọvbehe ya gbe akhua, wa ghẹ rhie ọkpọ mwẹ obọ, ọmwa ne ọ winna, te a gha rhie emwi ne ọ khẹ kẹe nẹẹn.

I Kọrinti 9:13

Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.

Galatia 6:6

Ọmwa ne a ẹre emwi ẹmwẹ iyayi Kristi, ọ kere ne ọ gha ghae vbe emwi ne ọ mwẹ ne ọmwa ne ọ ma ẹre emwi.

Diuteronomi 12:19

Inu ẹghẹ ne uwa gha ya vbe otọe uwa, wa ghẹ mianmian avbe Livai.

II Tẹsalonaika 3:10

Ẹghẹ ne ima na gha rre ehe ne uwa ye, ma ta ẹe ma uwa wẹ, “Ọmwa ne ọ ma ho ne ọ winna, a ghẹ gi ẹe rri evbare.”

I Timoti 5:17

Avbe ediọn ni winna iwinna esi, zẹ vbe ọkaolotu, ọ kere ne a gha ka iran ye emwa ne ọ ke re ne ọ miẹn igho ukhukhu eva, kpataki iran ni winnaẹn ẹsẹse vbe orhu ne a kpe kevbe emwi ne a ma emwa ẹre.