Gẹnẹsis 47:19 - Edo Bible (E Baibol Ẹdo) Version 1996

¹⁹ Ghẹ gie ima wulo, Guan yọ. Ghẹ gie otọe ima de ihoi rua. Ye evbare dẹlẹ ima kevbe otọe mwa. Ma ghi gha re eviẹn ne ọba, rẹn ghi vbe yan otọe ima. Viọ ọka ne ima ne ima ghẹ wulo, ima sẹtin gha ya otọe ima gbe ugbo.”

Gẹnẹsis 47:19 ပူးပေါင်းရင်းမြစ်များ

Gẹnẹsis 41:36

Evbare nii ghi gha re evbare ne a ya gbakhua hinrre, ne a ya koko otọe ẹvbo na vbe ukpo ihinrọn ne ukhunmwu ra fi la vbe otọ Igipt. A gha ruẹe vberriọ ohanmwẹ i ra gbe emwa.”

Gẹnẹsis 47:15

Ugbẹn vbe igho ghi fo nẹ vbe obọ emwa Igipt kevbe Kenan, emwa Igipt hia keghi bu e Josẹf gha dee, do tama rẹn wẹẹ, “Rhie evbare ne ima, ghẹ gie ima wulo. Guan yọ, igho ima hia fo nẹ.”

Gẹnẹsis 47:18

Ukpo ne ọ lelẹe, iran kevbe bu ẹre rre do kha wẹẹ, “Ma i ra vbe rẹrẹ egbe ma ruẹn, ne ima wa kha nian enọwanrẹn wẹẹ igho ima hia fo nẹ, wẹ ọ re emwirri ima hia ghi gue. Enọwanrẹn, ma i ghi mwẹ emwi ọvbehe ne ima gha viọ nuẹn gberra ikinnegbe mwa kevbe otọe mwa.

Gẹnẹsis 47:20

E Josẹf keghi dẹlẹ otọe ni rre Igipt hia ne ọba. Emwa Igipt hia keghi khiẹnnẹ otọe iran, rhunmwuda ukhunmwu ne ọ wegbe gbe. Otọe nii hia keghi khian ọghe ọba.

Job 2:4

Esu keghi wanniẹn wẹẹ, “Ọmwa sẹtin viọ emwi hia ne ọmwa ya de uhunmwu ẹnrẹn ye agbọn.

Eve Orriara 1:11

Emwa rẹn kegha khiẹkhiẹ egbe vbe iran gualọ evbare ne iran gha re; iran ya emwi ẹfe iran rọ evbare ne iran ya da orhiọn yi ye agbọn. Ore ẹvbo keghi datu wẹẹ, “E Nọyaẹnmwa u ghe mwẹ, u ghe usẹ ne I ye.”

Eve Orriara 5:6

Igipt kevbe Asiria ọ re ima na ya gha vbu evbare, ne a miẹn ya da orhiọn yi.

Eve Orriara 5:9

Avbe izigha gha hẹyo hẹrre vbe ọkpẹn ẹvbo, ma gha ra ya gualọ evbare, ma ghi viọ uhunmwu mwẹ atataobọ.

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.