Gẹnẹsis 47:17 - Edo Bible (E Baibol Ẹdo) Version 1996

¹⁷ Rhunmwuda ọnii, iran keghi viọ emwirri iran hia gie Josẹf, ọ na ye evbare gha rọe ne iran, avbe ẹsin, ohuan ke ẹwe, ẹmila ke ekẹtẹkẹtẹ. Ukpo nii, ọ keghi ya evbare rọ emwirri iran hia ne iran.

Gẹnẹsis 47:17 ပူးပေါင်းရင်းမြစ်များ

Gẹnẹsis 47:16

E Josẹf keghi wanniẹn wẹẹ, “Wa viọ emwirri uwa rre, I gha ye evbare rọe ne uwa a deghẹ wa i ghi mwẹ igho.”

Gẹnẹsis 47:18

Ukpo ne ọ lelẹe, iran kevbe bu ẹre rre do kha wẹẹ, “Ma i ra vbe rẹrẹ egbe ma ruẹn, ne ima wa kha nian enọwanrẹn wẹẹ igho ima hia fo nẹ, wẹ ọ re emwirri ima hia ghi gue. Enọwanrẹn, ma i ghi mwẹ emwi ọvbehe ne ima gha viọ nuẹn gberra ikinnegbe mwa kevbe otọe mwa.

I Ọba 10:28

Ewọe ọba ọ re ọ gha gbearoghe avbe ẹsin ne a viọ ke Musri kevbe e Silisia rre,

Job 2:4

Esu keghi wanniẹn wẹẹ, “Ọmwa sẹtin viọ emwi hia ne ọmwa ya de uhunmwu ẹnrẹn ye agbọn.

Ẹksọdọs 9:3

I gha ya emianmwẹ dan ne I gha mu ku avbe emwirri ruẹ rri uwa oya; avbe ẹsin ruẹn, avbe ekẹtẹkẹtẹ ruẹ, ogologo, ẹmila, ohuan kevbe avbe ewe.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Matiu 6:24

“Orhunmwu ọkpa ne ọ gha sẹtin ga arowa eva, ẹ i rrọọ. Ọ gha ho ẹmwẹ ọkpa, ọ ghi gha khuiwu enogieva, ọ gha họn ẹmwẹ ne ọkpa, ọ ghi gha yan enọkpa zẹ, wẹ i sẹtin ga Osanobua ga igho.