Gẹnẹsis 47:15 - Edo Bible (E Baibol Ẹdo) Version 1996

¹⁵ Ugbẹn vbe igho ghi fo nẹ vbe obọ emwa Igipt kevbe Kenan, emwa Igipt hia keghi bu e Josẹf gha dee, do tama rẹn wẹẹ, “Rhie evbare ne ima, ghẹ gie ima wulo. Guan yọ, igho ima hia fo nẹ.”

Gẹnẹsis 47:15 ပူးပေါင်းရင်းမြစ်များ

Gẹnẹsis 41:36

Evbare nii ghi gha re evbare ne a ya gbakhua hinrre, ne a ya koko otọe ẹvbo na vbe ukpo ihinrọn ne ukhunmwu ra fi la vbe otọ Igipt. A gha ruẹe vberriọ ohanmwẹ i ra gbe emwa.”

Gẹnẹsis 47:16

E Josẹf keghi wanniẹn wẹẹ, “Wa viọ emwirri uwa rre, I gha ye evbare rọe ne uwa a deghẹ wa i ghi mwẹ igho.”

Gẹnẹsis 47:24

Ọ gha sẹ ẹghẹ emwiorhọ, wa ghi ghae ehia ye ihe isẹn, wa ghi viọ obọ ọkpa gie ọba, ni dekẹe ghi gha re ọghe uwa, ne uwa ya gha kọ, ne uwa gha re, emwa uwa kevbe ivbi uwa.”

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Aizaia 33:16

Ẹghẹ nii, wa gha rrọọ vbe ai mwẹ ẹbe, ẹkun ghi vbe sẹ uwa otọ vbene a miẹn wẹ, uwu owa ọkhẹ ne Ọ wegbe ọ re uwa ye. Wa gha miẹn evbare gha re, wa ghi vbe miẹn amẹ gha wọn.

Matiu 6:11

Rhie evbare ne ọ sẹe ne ima ẹre na.

Giọgis 8:5

Ọ ghi sẹ Sukọt, rẹn keghi tama ivbi e Sukọt, wẹẹ, “Wa lahọ, wa viọ ebrẹd eso ne emwa mwẹ rhunmwuda egbe wọ iran nẹ, te I khu e Zẹba kevbe Zalmuna ne avbe ọba Midian khian.”

Giọgis 8:8

E Gidiọn keghi sikẹ odaro gha rrie Pẹnuẹl, ọ na vbe ya nọ iran nii emwi ọkpa nii, sokpan vbene emwa Sukọt tama rẹn ọ re emwa Pẹnuẹl vbe tama rẹn.

I Samuẹl 21:3

De evbare ne u ghi mwẹ nian khekherriọ? Viọ ududu ebrẹd isẹn ra emwi ọvbehe ne u ghi mwẹ mẹ.”

I Samuẹl 25:8

Nọ iran, iran gha tama ruẹn. E Devid wẹ ne u rhan obọ itohan miẹn emwa irẹn rhunmwuda ma gha rrie edinran vbe ẹdẹ eghọ. Rhunmwuda ọnii, viọ emwi ne obọ ruẹ gbare ne ima ne eguọmwadia ruẹ; kevbe Devid ne ọ siọ ne ọ ghaan.”