Gẹnẹsis 47:14 - Edo Bible (E Baibol Ẹdo) Version 1996

¹⁴ E Josẹf keghi si igho ne emwa Igipt kevbe Kenan ya dẹlẹ ọka koko. Ọ na mu igho ni gha die ẹguae ọba.

Gẹnẹsis 47:14 ပူးပေါင်းရင်းမြစ်များ

Gẹnẹsis 41:56

Ugbẹn vbe ukhunmwu ghi gba ẹvbo nii hia nẹ, e Josẹf keghi kie avbe aza ọka hia, ọ na gha khiẹn ọka ne ivbi Igipt dẹ rhunmwuda te obọ ukhunmwu ghi dotọ vbe Igipt.

Gẹnẹsis 41:57

Emwa kegha ke otọ agbọn hia rrie Igipt ne iran do gha gu e Josẹf dẹ ọka, rhunmwuda obọ ukhunmwu nii keghi wa vbe dotọ vbe otọ agbọn hia.

Gẹnẹsis 47:15

Ugbẹn vbe igho ghi fo nẹ vbe obọ emwa Igipt kevbe Kenan, emwa Igipt hia keghi bu e Josẹf gha dee, do tama rẹn wẹẹ, “Rhie evbare ne ima, ghẹ gie ima wulo. Guan yọ, igho ima hia fo nẹ.”

Itan 11:26

Te emwa ya amẹ unu ne ọmwa ne ọ si evbare gboo, ọ ghi viọ iran lẹre khẹ ẹghẹ ne emwi gha na gha ghan. Sokpan, a ghi gha na erhunmwu ne ọmwa ne ọ viọ iran ladian gha khiẹn.

I Kọrinti 4:2

Emwi ọkpa ne a ho vbe obọ ọmwa ne a rhie emwi nẹẹn dayi ọrọre wẹẹ, ne ọ gha re ọmwa ne ọ gie arowa ẹre mu ẹtin yan.

I Pita 4:10

Dọmwadẹ ọghọe zẹ vbe ọmwa ne ọ ya obọ mu avbe emwi ughughan ne Osanobua ya wẹ ẹse, ọ kere ne ọ gha lo avbe emwi nii, ne ọ maa sẹ emwa ọvbehe egbe.