Gẹnẹsis 47:1 - Edo Bible (E Baibol Ẹdo) Version 1996

¹ Ẹre Josẹf na viọ isẹn vbe ivbi erhae, ọ na bu ọba gha khian. Ọ tama rẹn wẹẹ, “Erha mwẹ kevbe avbe etẹn mwẹ nikpia ke Kenan gha dee, ke iran kevbe oghẹn ohuan, oghẹn ẹmila kevbe emwi hia ne iran mwẹ. Iran yakọ vbe odẹ Gosiẹn nian.”

Gẹnẹsis 47:1 ပူးပေါင်းရင်းမြစ်များ

Gẹnẹsis 45:10

U sẹtin tota ye Gosiẹn ehe ne u gha na sikẹ mwẹ. Wẹ kevbe ivbuẹ kevbe avbe eyẹ ruẹ, avbe ohuan ruẹn kevbe ẹwe ruẹ kevbe ẹmila ruẹ kevbe emwi ne u mwẹ hia.

Gẹnẹsis 45:16

Ugbẹn vbe iran ghi na iyẹn na sẹ ẹguae ọba wẹ etẹn e Josẹf rre, ọba, kẹe kevbe emwa iwinna rẹn kegha ghọghọ.

Gẹnẹsis 46:28

E Jekọb keghi gie Juda ke odaro ne ọ ya tama e Josẹf ne ọ do diakhẹ irẹn vbe Gosiẹn. Iran ghi bu Gosiẹn,

Gẹnẹsis 46:31

Ẹghẹ nii ọre Josẹf na tama etiọnrẹn nikpia kevbe emwa erha ẹe wẹẹ, “I ra gha khian ne I ya tama ọba wẹẹ, ‘Etẹn mwẹ kevbe emwa erha mwẹ ni te rre Kenan bu mwẹ gha dee.

Gẹnẹsis 46:34

Wa ghi khama rẹn wẹẹ, ‘Enọwanrẹn aranmwẹ ọre ima rri ke ẹghẹ ọvbokhan mwa gha de zẹ vbe ne avbe erha mwa vbe gha ru.’ Erriọ ọre uwa gha na ya di odẹ Gosiẹn ya.” Emwi ne ọ yae ta ọna ọrọre wẹ emwa Igipt i ho ẹmwẹ avbe ọsuohuan.

Ẹksọdọs 8:22

Vbe ẹdẹ ne ẹdẹrriọ, mẹ gha sẹ otọe Gosiẹn rae, ehe ne avbe emwa mwẹ ye, a ghi miẹn wẹ ikian i rre odọ, ne u miẹn ehe na rẹn wẹ mẹ ne Nọyaẹnmwa ọre ọ winna vbe ẹvbo na.

Ẹksọdọs 9:26

Ikinkin e Gosiẹn, ehe ne avbe ivbi Izrẹl ye ọkpa ọre a ma na họn ẹmwẹ avan ne ukhunmwu.

Hibru 2:11

Ọ khuẹ emwa huan hin orukhọ iran rre, irẹn kevbe emwa ni irẹn khuẹ huan, erha ọkpa iran mwẹ. Ọnii ọ si ẹe ne ekhue i na mu Jesu vbe ọ gha tie iran etiọnrẹn.