Gẹnẹsis 46:6 - Edo Bible (E Baibol Ẹdo) Version 1996

⁶ Iran keghi viọ emwirri iran kevbe emwi hia ni iran khuaẹn vbe Kenan, iran na gha rrie Igipt. E Jekọb keghi viọ avbe ivbi ẹre hia ba egbe.

Gẹnẹsis 46:6 ပူးပေါင်းရင်းမြစ်များ

Gẹnẹsis 15:13

Nọyaẹnmwa keghi tama rẹn wẹẹ, “Uniẹn ruẹn gha khian ọrriọvbe vbe ẹvbo ẹrrẹ, iran gha khian eviẹn vbe evba, a ghi vbe ye ukpo uri eva sẹ iran usẹ.

Gẹnẹsis 46:7

Ivbi ẹre nikpia, eyẹ nikpia, ivbi ẹre nikhuo, kevbe eyẹ ọre nikhuo.

Psalm 105:23

Ẹre Jekọb na gha rriẹ Igipt, ọ na ya yin ẹvbo ni.

Aizaia 52:4

Ẹghẹ ne uwa na ya gha rre Igipt zẹvbe ọrriọvbe, ekhọe obọ uwa ọ re uwa ya ru ẹẹ. Sokpan, ikẹtin ọ re Asiria ya viọ uwa gha rrie vbe ne ọ ma na ha osa rhọkpa yọ.

Nọmbas 20:15

vbene avbe erha mwa odede gha rrie Igipt hẹ, ehe ne ima na vbe gbe ukpo ni bun. Emwa Igipt ke ya obọ dan mu avbe erha mwa odede kevbe ima.

Iwinna 7:15

Rhunmwuda ọnii ọre Jekọb na gha rrie Igipt. Evba ọre rẹn kevbe avbe erha mwa odede na wulo.

Diuteronomi 10:22

Ẹghẹ ne avbe erha uwa odede na gha rrie Igipt, iran ekigbesiyenẹ kẹkan nọ. Sokpan, banbanna nian, e Nọyaẹnmwa ne Osanobua uwa ya uwa khian ni ghi bun zẹ vbe orhọnmwẹ ni rre aro iso.

Diuteronomi 26:5

Iyeke onii wa ghi kha vbenian vbe odaro e Nọyaẹnmwa: ‘Ovbi Aremia, ne ọkpolugho ne ẹ i mwẹ owa ọ re erha mwẹ odede gha khin vbe ọ viọ emwa ẹgbẹ ọ re gha rrie Igipt ne ọ ya yin evba, ibozẹghẹ ọ re iran khin vbe iran khian, sokpan iran keghi do khian okpẹvbo ne ọ digba kevbe ne ọ mwẹ ẹtin.

Jọsua 24:4

I kevbe viọ Jekọb kevbe Isọ ne Aizik. I keghi mu Idọm ne ẹvbo oke ne Isọ ne ọ gha re ọghọe sokpan e Jekọb kevbe ivbi ẹre kegha rrie Igipt.

I Samuẹl 12:8

E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.