Gẹnẹsis 46:32 - Edo Bible (E Baibol Ẹdo) Version 1996

³² I gha tama rẹn wẹẹ ọsuohuan ọ re uwa khin, wa vbe gbearoghe avbe ẹmila uwa, wa viọ avbe oghẹn ohuan uwa, ke oghẹn ẹmila ke emwi ne uwa mwẹ hia gha dee.’

Gẹnẹsis 46:32 ပူးပေါင်းရင်းမြစ်များ

Gẹnẹsis 37:2

Vbene okha ẹgbẹe Jekọb ye ọre ọna khin. E Josẹf, igbama ne ọ rre ukpo ehairrọvbugie keghi deba etiọnrẹn ivbi Bilha kevbe Zilpa ne egbakhian erha ẹe gha gbearoghe ohuan kevbe ẹwe. Ọ ghi do gha na iyẹn emwi dan ne etiọnrẹn ru ma erha ẹe.

Gẹnẹsis 4:2

Vbe iyeke ọnii, ọ keghi biẹ ọmọ okpia ọvbehe ọna ọre Ebẹl. Ebẹl ke do gha re Ọsuohuan, sokpan Keni kegha re ọwẹe.

Gẹnẹsis 45:10

U sẹtin tota ye Gosiẹn ehe ne u gha na sikẹ mwẹ. Wẹ kevbe ivbuẹ kevbe avbe eyẹ ruẹ, avbe ohuan ruẹn kevbe ẹwe ruẹ kevbe ẹmila ruẹ kevbe emwi ne u mwẹ hia.

Gẹnẹsis 46:31

Ẹghẹ nii ọre Josẹf na tama etiọnrẹn nikpia kevbe emwa erha ẹe wẹẹ, “I ra gha khian ne I ya tama ọba wẹẹ, ‘Etẹn mwẹ kevbe emwa erha mwẹ ni te rre Kenan bu mwẹ gha dee.

Gẹnẹsis 46:33

Ọba gha tie uwa ọ na nọ uwa wẹẹ, ‘De iwinna ne uwa winna?’

Gẹnẹsis 46:34

Wa ghi khama rẹn wẹẹ, ‘Enọwanrẹn aranmwẹ ọre ima rri ke ẹghẹ ọvbokhan mwa gha de zẹ vbe ne avbe erha mwa vbe gha ru.’ Erriọ ọre uwa gha na ya di odẹ Gosiẹn ya.” Emwi ne ọ yae ta ọna ọrọre wẹ emwa Igipt i ho ẹmwẹ avbe ọsuohuan.

Gẹnẹsis 47:3

Ọba keghi nọ iran wẹẹ, “De iwinna ne uwa winna?” Iran wanniẹn wẹẹ, “Ọsuohuan ma khin enọwanrẹn, zẹ vbene avbe erha mwa vbe gha ye.

Gẹnẹsis 9:20

E Noa keghi re ọgbugbo, rẹn ọre ọmwa ne ọ ka gha kọ ogba azara.

I Ọba 9:27

E Hiram ne ọba keghi gie emwa ni fuẹro vbe ẹmwẹ okun eso kevbe ọgbagba okọ ọghe ọe ne iran ya gu emwa e Solomọn gha winna.

Ẹksọdọs 3:1

Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Zẹkaraia 13:5

Ye ihe ọnii, ẹmwẹ ne ọ ra ta ọrọre wẹẹ, ‘I i re akhasẹ, ọwẹe ọre I khin, ugbo ọre I gbe ke ne a biẹ mwẹ gha dee.’

I Samuẹl 16:11

Ọ keghi nọ rẹn wẹẹ, “U ye mwẹ emọ ikpia ọvbehe ra?” E Jese keghi wanniẹn wẹẹ, “Ne ọvbokhan ne ọ rrọọ, ọre ọ ghi ke ẹe sokpan, ọ rre ehe ne ọ na su ohuan.” E Samuẹl keghi kha wẹẹ, “Ya tie ẹre rre, ọ ma rre nẹ ma i zọ ese na.”

I Samuẹl 17:15

E Devid ghi werriegbe gha rrie Bẹtlẹhẹm ẹghẹ hia ne ọ miẹn ehe na ya gha gbearoghe avbe ohuan erhae.