Gẹnẹsis 46:29 - Edo Bible (E Baibol Ẹdo) Version 1996

²⁹ e Josẹf keghi wẹ ne a mu ikẹkẹ okhuae gie irẹn ọ na gha rrie Gosiẹn ne ọ ya vba erha ẹe ighẹ Izrẹl. Ugbẹn vbe ọ ghi wa miọẹn, ọ gbae ginna egbe, ọ keghi viẹ kpẹe vbotọ ẹsẹse vbene ọ ya gbae ginna egbe nii.

Gẹnẹsis 46:29 ပူးပေါင်းရင်းမြစ်များ

Gẹnẹsis 33:4

Sokpan Isọ keghi ya rhulẹ vba ẹre, ọ keghi viọ obọ kinnọ ẹre urhu, ọ siẹe kẹ egbe ọ na ye unu soso ẹre unu. Iran e eva kegha viẹ.

Gẹnẹsis 41:43

Ọ ke wẹ ne ọ hin ikẹkẹ okhuae nogieva ọghe ọba, iran ni wan ẹvbo hin odẹ rre ke odaro nẹẹn gha go wẹẹ, “Wa wan ruan.” Erriọ ọre a ya ye Josẹf ru enọkhaemwisẹ yan Igipt.

Gẹnẹsis 43:30

Ẹre Josẹf na zẹgiẹ ladian rhunmwuda ibiẹ ọre hia keghi ru woo rhunmwuda ọtiọnrẹn, te ọ ghi te ra viẹ, rhunmwuda ọnii, ọ keghi la ughugha ẹre, ọ na ya viẹ vbe evba.

Gẹnẹsis 45:19

Tama iran ne iran viọ avbe ikẹkẹ okhuae ke Igipt kpao ne iran ya viọ amwẹ iran kevbe ivbi iran negiẹrẹ gha dee. Tama iran ne iran rhie erha iran gha dee.

Gẹnẹsis 45:2

Ọ keghi ya urhu ne ọ la viẹ sẹrriọ ne emwa Igipt na họn, iran na ya na iyẹn ọnrẹn sẹ ẹguae ọba.

Gẹnẹsis 45:21

Ivbi Izrẹl keghi ruẹe vberriọ. E Josẹf keghi viọ ikẹkẹ okhuae ne iran zẹ vbene ọba khare, ọ na vbe viọ evbare ne iran gha re vbe okhian iran.

Gẹnẹsis 46:30

Izrẹl keghi tama e Josẹf wẹẹ, “Banbanna nian, I mu egbe ne I gha ya wu vbene I ghi na miẹn ọẹn nẹ na ighẹ, u ye rre agbọn.”

Gẹnẹsis 50:9

Ikẹkẹ okhuae kevbe emwa ni hin ẹsin kevbe lelẹe, iran wa gha bun ẹsẹse.

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.

Iwinna 20:37

Ehia keghi wa gbe akhe eve ua, iran keghi gbae ginna egbe iran kegha mu ẹre unu hiẹnhiẹn ya gbe ọkhian ẹdẹ hia nẹẹn.