Gẹnẹsis 46:28 - Edo Bible (E Baibol Ẹdo) Version 1996

²⁸ E Jekọb keghi gie Juda ke odaro ne ọ ya tama e Josẹf ne ọ do diakhẹ irẹn vbe Gosiẹn. Iran ghi bu Gosiẹn,

Gẹnẹsis 46:28 ပူးပေါင်းရင်းမြစ်များ

Gẹnẹsis 31:21

Ọ keghi rhie emwi ni re ọghọe hia, ọ na kpao, ọ ghi kpao, ọ keghi fian ẹzẹ Yufretes rra, ọ na mu uhunmwu da oke Giliad.

Gẹnẹsis 43:8

E Juda keghi khama erha iran wẹẹ, “Giẹ ọvbokhan na lele ima gha khian, ne ima muegbe ne a gha khian. Ẹghẹ nii, ne ohanmwẹ gha gbua i ghi rre uwu ima.

Gẹnẹsis 45:10

U sẹtin tota ye Gosiẹn ehe ne u gha na sikẹ mwẹ. Wẹ kevbe ivbuẹ kevbe avbe eyẹ ruẹ, avbe ohuan ruẹn kevbe ẹwe ruẹ kevbe ẹmila ruẹ kevbe emwi ne u mwẹ hia.

Gẹnẹsis 46:34

Wa ghi khama rẹn wẹẹ, ‘Enọwanrẹn aranmwẹ ọre ima rri ke ẹghẹ ọvbokhan mwa gha de zẹ vbe ne avbe erha mwa vbe gha ru.’ Erriọ ọre uwa gha na ya di odẹ Gosiẹn ya.” Emwi ne ọ yae ta ọna ọrọre wẹ emwa Igipt i ho ẹmwẹ avbe ọsuohuan.

Gẹnẹsis 47:1

Ẹre Josẹf na viọ isẹn vbe ivbi erhae, ọ na bu ọba gha khian. Ọ tama rẹn wẹẹ, “Erha mwẹ kevbe avbe etẹn mwẹ nikpia ke Kenan gha dee, ke iran kevbe oghẹn ohuan, oghẹn ẹmila kevbe emwi hia ne iran mwẹ. Iran yakọ vbe odẹ Gosiẹn nian.”

Gẹnẹsis 49:8

E Juda, avbe etuẹn gha tian ruẹn. We gba avbe eghian ruẹn ẹho mwẹ, avbe etuẹn gha ghughẹrre nuẹn.