Gẹnẹsis 46:27 - Edo Bible (E Baibol Ẹdo) Version 1996

²⁷ Emọ ikpia eva ọre a biẹlẹ ne Josẹf vbe Igipt, ọnii keghi ye ẹgbẹe Jekọb ne ọ gha rrie odọ gba vbe ekigbesiyenẹ.

Gẹnẹsis 46:27 ပူးပေါင်းရင်းမြစ်များ

Gẹnẹsis 34:30

E Jekọb keghi khama Simiọn vbe Livai wẹẹ, “Wa si mwẹ fi uwu ẹmwẹ nẹ, banbanna nian, emwa ẹvbo na hia, emwa Kenan, Pẹriz, iran hia khọ ẹko mwẹ. Ikpia ne I mwẹ i bun; iran gha ku obọ gbe mu igbinna gunmwẹ, ke imẹ kevbe ẹgbẹe mwẹ hia, te iran ra miẹn ima uhunmwu.”

Ẹksọdọs 1:1

Eni avbe ivbi e Jekọb ni lele ẹe gha rrie Igipt ke iran kevbe ivbi iran ẹre ena khin:

Ẹksọdọs 1:5

Inu iran ne ọ wa re ivbi urho e Jekọb taara kagha re ekigbesiyenẹ. E Josẹf ne ovbi ẹre kagha rre Igipt nẹ.

Ẹksọdọs 24:1

E Nọyaẹnmwa keghi tama e Mosis nẹ wẹẹ, “Bu mwẹ gha die uhunmwu oke, ke uwẹ kevbe Errọn, e Nadab, Abihu kevbe ediọn ekigbe siyenẹ vbe ivbi Izrẹl, ne uwa ya uhunmwu rhanmwẹ otọ vbe urria, ne uwa ga mwẹ.

Iwinna 7:14

E Josẹf keghi gie uhunmwu gie Jekọb ne erha ẹe, ọ na wẹ ne irẹn vbe igiowa ẹre hia si gha die Igipt. Iran hia keghi re arhinisẹn-irrọ-vbe-iyenẹ.

Diuteronomi 10:22

Ẹghẹ ne avbe erha uwa odede na gha rrie Igipt, iran ekigbesiyenẹ kẹkan nọ. Sokpan, banbanna nian, e Nọyaẹnmwa ne Osanobua uwa ya uwa khian ni ghi bun zẹ vbe orhọnmwẹ ni rre aro iso.

Diuteronomi 26:5

Iyeke onii wa ghi kha vbenian vbe odaro e Nọyaẹnmwa: ‘Ovbi Aremia, ne ọkpolugho ne ẹ i mwẹ owa ọ re erha mwẹ odede gha khin vbe ọ viọ emwa ẹgbẹ ọ re gha rrie Igipt ne ọ ya yin evba, ibozẹghẹ ọ re iran khin vbe iran khian, sokpan iran keghi do khian okpẹvbo ne ọ digba kevbe ne ọ mwẹ ẹtin.