Gẹnẹsis 46:1 - Edo Bible (E Baibol Ẹdo) Version 1996

¹ E Jekọb keghi koko emwi ne ọ mwẹ hia, ọ na gha rrie Biẹsiẹba, ọ na ya zọ ese gha Osanobua ọghe Aizik ne erhae.

Gẹnẹsis 46:1 ပူးပေါင်းရင်းမြစ်များ

Gẹnẹsis 12:8

Vbe iyeke ọnii, ọ keghi la ghe odẹ ekẹn ọghe oke ne ọ rre odẹ ahọ ọghe Bẹtẹl, ọ na bu agọ ye ẹkpo Bẹtẹl vbe orrie kevbe Ai vbe ahọ. Ọ kevbe bọ aka ye evba, ọ na ya uhunmwu rhanmwẹ otọ ne Nọyaẹnmwa.

Gẹnẹsis 21:14

Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian.

Gẹnẹsis 21:31

A na ghi gha tie evba nii, Biẹsiẹba, rhunmwuda evba iran eveva na gba yan eyan.

Gẹnẹsis 21:33

Ebraham keghi gbọ erhan ikhinmwi ye Biẹsiẹba, ọ ke ga Nọyaẹnmwa ne Osanobua Etẹbitẹ.

Gẹnẹsis 22:13

Ebraham ghi tọn aro mu, ọ ke bẹghe ogho ọkpa ne ẹti gbalọ ẹre igho. Ọ na ya muẹn, ọ na ya zọ ese na giẹn uan ye ihe ovbi ẹre nokpia.

Gẹnẹsis 28:10

Jekọb ke kpao vbe Biẹsiẹba rre, ọ na mu uhunmwu da Haran.

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 31:53

Osanobua Ebraham kevbe Osanobua e Nahọ gha bu ohiẹn imẹ vbe ruẹ.” E Jekọb keghi ya eni Osanobua ne erha ee ighẹ Aizik ga, yan eyan wẹẹ rẹn gha rhie uhi nii mwẹ.

Gẹnẹsis 33:20

Ọ keghi gbe aka ye evba, ọ keghi he ẹre eni El gie Osanobua Izrẹl.

Gẹnẹsis 35:3

Ma ra kpao vbe emwa gha rrie Bẹtẹl, ehe ne I gha na gba aka ne Osanobua ne ọ yọmwẹ obọ vbe ẹghẹ ọlọghọmwa mwẹ, kevbe ne ọ vbe yaba mwẹ vbe eheikehe ni I he la.”

Gẹnẹsis 35:7

Ọ keghi gba aka ye evba, ọ na gha tie ẹre Bẹtẹl rhunmwuda Osanobua ye egbe naẹn miẹn vbe evba vbe ẹghẹ ne ọ na gha lẹ hin ehe ne ọtiọnrẹn ye rre.

Gẹnẹsis 4:4

Iyekọnii, Ebẹl ke mu oteghe ohuan aranmwẹ ne emwi irri ẹre ka gha biẹ rre, ọ ke gbẹe, ọ ke ya ehe ne ọ maa sẹ vbọ zọ ese. Ẹko ke rhiẹnrhiẹn Nọyaẹnmwa ghe Ebẹl ke ese ne ọ zọ re.

Gẹnẹsis 45:28

Ọ keghi kha wẹẹ, “Ọ na sẹe, Josẹf ne ovbi mwẹ ye rre agbọn! I gha ya miẹn ọẹn vbe I te wu.”

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

Job 1:5

Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Job 42:8

Banbanna nian, mu ẹmila ihinrọn kevbe ogho ihinrọn giẹ Job, ne uwe ẹre ya ẹe zọ ese ne egbe uwa. E Job gha na erhunmwu ne uwa, I gha vbe họn urhu ẹre, I i ghi ra vbe ru uwa vbene ọ te ma uwa. Wa ma ta ẹmwẹ ẹmwata vbe ekpa mwẹ zẹ vbene irẹn ru.”

Emọs 7:9

A gha fuẹn ọnrẹn uan ighẹ ehe ne ivbi uniẹn Aizik na ru ugamwẹ. A gha ye ehe nọhuanrẹn ọghe Izrẹl khian itowa. I gha ru ẹe ne uniẹn e Jeroboam ne Ọba gbẹro.”

Iwinna 7:15

Rhunmwuda ọnii ọre Jekọb na gha rrie Igipt. Evba ọre rẹn kevbe avbe erha mwa odede na wulo.

Jọsua 24:4

I kevbe viọ Jekọb kevbe Isọ ne Aizik. I keghi mu Idọm ne ẹvbo oke ne Isọ ne ọ gha re ọghọe sokpan e Jekọb kevbe ivbi ẹre kegha rrie Igipt.

I Samuẹl 3:20

Ẹre ivbi Izrẹl hia, ehe ne ọ sẹe, ehe ne ọ rhanmwẹ, na rẹn wẹ akhasẹ e Nọyaẹnmwa ọ re Samuẹl wa khin.

I Samuẹl 8:2

A kegha tie ovbi ẹre ne ọdiọn Joẹl, a keghi tie nekherhe Abija; iran kegha re enibuohiẹn vbe Biẹsiẹba.