Gẹnẹsis 45:6 - Edo Bible (E Baibol Ẹdo) Version 1996

⁶ Ukpo nogieva kẹkan ọ re ukhunmwu na he ye na vbe otọ na, ọ ye kẹ ukpo isẹn ne a i ra na kọ ra ne a rhọ emwiokọ.

Gẹnẹsis 45:6 ပူးပေါင်းရင်းမြစ်များ

Gẹnẹsis 37:2

Vbene okha ẹgbẹe Jekọb ye ọre ọna khin. E Josẹf, igbama ne ọ rre ukpo ehairrọvbugie keghi deba etiọnrẹn ivbi Bilha kevbe Zilpa ne egbakhian erha ẹe gha gbearoghe ohuan kevbe ẹwe. Ọ ghi do gha na iyẹn emwi dan ne etiọnrẹn ru ma erha ẹe.

Gẹnẹsis 41:35

Tama iran ne iran gha viọ avbe evbare hia la ukpo ni maa nii rre, iran ghi gha winna vbe asẹ ruẹ ne iran si ọka gbo hinrre zẹ vbe evbare vbe ẹvbo hia, ne emwa vbe gha bodẹ gbearoghe ẹre.

Gẹnẹsis 41:46

Ukpo ọgban ọre Josẹf gha ye vbe ọ suẹn gha winna ne ọba Igipt. Ọ keghi kpao ya khian la otọe nii gaa.

Gẹnẹsis 41:53

Ukpo ihinrọn ne emwa Igipt na gha zọmọ vbe ọwọrhọwọrhọ keghi do gberra.

Gẹnẹsis 41:54

Ukpo ihinrọn ọghe ukhunmwu keghi suẹn vbene Josẹf wa tae zẹẹ. Ukhunmwu kegha fi vbe ẹvbo nekpa hia, sokpan evbare kegha rre Igipt la ehe ne ọ sẹe ehe ne ọ rhanmwẹ.

Gẹnẹsis 41:56

Ugbẹn vbe ukhunmwu ghi gba ẹvbo nii hia nẹ, e Josẹf keghi kie avbe aza ọka hia, ọ na gha khiẹn ọka ne ivbi Igipt dẹ rhunmwuda te obọ ukhunmwu ghi dotọ vbe Igipt.

Gẹnẹsis 47:18

Ukpo ne ọ lelẹe, iran kevbe bu ẹre rre do kha wẹẹ, “Ma i ra vbe rẹrẹ egbe ma ruẹn, ne ima wa kha nian enọwanrẹn wẹẹ igho ima hia fo nẹ, wẹ ọ re emwirri ima hia ghi gue. Enọwanrẹn, ma i ghi mwẹ emwi ọvbehe ne ima gha viọ nuẹn gberra ikinnegbe mwa kevbe otọe mwa.

Gẹnẹsis 47:23

E Josẹf keghi tama emwa ni wẹẹ, “Wa miẹn ọẹn nian wẹ I dẹlẹ uwa dẹlẹ otọ uwa ne ọba nẹ, wa miẹn emwiokọ nian ne uwa kọ ye otọ uwa.

Ẹksọdọs 34:21

“Ikpẹdẹ ehan wa gha ya gha winna sokpan wa ghẹ winna vbe ikpẹdẹ ne ogihinrọn, ọre ẹghẹ egua nọ ra ẹghẹ akọrhọre.

Aizaia 30:24

Ke avbe ekhuia ẹmila kevbe avbe ekẹtẹkẹtẹ ni vulo otọ uwa, oha ne ọ maa sẹẹ ehia ọ re iran gha na gha rria.

Diuteronomi 21:4

A ghi rhie ẹre gha rrie ẹzẹ ne ẹ i ka ehe ne otọ ne a ma he mu ẹre ugbo ra ne a kọ emwi yọ ẹdẹ, a ghi khiẹn ẹre ẹyaẹn gbẹe rua vbe evba.

I Samuẹl 8:12

Ọ gha ya eso vbọ ru ivbiyokuo ni gbearoghe ivbiyokuo arriaisẹn, eso ghi vbe gha re ni gbearoghe ekigbe siyeha. Ivbi uwa gha rhọ emwiokọ ẹre, iran ghi gha dunmwu emwi gbinna rẹn kevbe ọghe ikẹkẹ okuo ẹre.