Gẹnẹsis 45:5 - Edo Bible (E Baibol Ẹdo) Version 1996

⁵ Banbanna nian, wa ghẹ gie iro han uwa ra ne uwa gha gu egbe uwa gui rhunmwuda ighẹ wa khiẹn mwẹ gha die edinran. Osanobua ọ re ọ gie mwẹ ke aro ne uwa ne I sẹtin sinmwi emwa ye agbọn.

Gẹnẹsis 45:5 ပူးပေါင်းရင်းမြစ်များ

Gẹnẹsis 37:28

Avbe obaghẹn ne ivbi e Midian ghi se evba, etẹn e Josẹf keghi si ẹe ladian vbe uhae, iran na khiẹn ọre agiẹghẹ e siliva ugie ne ivbi Ismẹl, iran na muẹn gha rrie Igipt.

Gẹnẹsis 47:25

Iran keghi wanniẹn wẹẹ, “U miẹn ima fan nẹ, u ru ima ẹse nẹ enọwanrẹn, ma gha gele gha re eviẹn ọba.”

Gẹnẹsis 50:19

Sokpan e Josẹf tama iran wẹẹ, “Wa ghẹ fian afianma, mẹ i ra sẹtin rhie egbe mwẹ ye ihe Osanobua.

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

Gẹnẹsis 50:21

Banbanna nian, wa ghe fian afianma, I gha gbearoghe uwa kevbe ivbi uwa negiẹrẹ.” Ọ keghi ye ẹmwẹ itohan rhie igiọdu ne ọ mu iran ekhọe ne iran.

II Samuẹl 12:12

Ẹkhokho wẹ na rukhọ sokpan, ogiavan ogioghogho mẹ re ya gie ọna sunu, ne Izrẹl hia bẹghe ẹre.’ ”

II Samuẹl 17:14

Absalọm kevbe emwa rẹn keghi kha wẹẹ, “Iro ne Husiai zẹe ọ re ọ maa sẹ ọghe Ahitofẹl.” E Nọyaẹnmwa ta ẹe nẹ wẹ a i rhie iro esi ne Ahitofẹl zẹ rhunmwuda ne ọkhọ miẹn ehe na rruan Absalọm.

Ẹsta 4:14

U gha hunwan vbe ẹghẹ ne ọ ye vbenian na, iyobọ gha ke ẹrinmwi bu avbe Ju rre, iran ghi miẹn uhunmwu, sokpan wẹ gha wu, deba ẹre ẹgbẹe erha a ghi gbe ero, sokpan, u rẹnrẹn wẹ ẹ i gie a rẹn ọ gha kẹe egbe ẹghẹ vbenian ọ re ọ zẹe ne a na ya ma Oloi!”

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Iyẹn ne ọ Maan Ọghe Luk 23:34

Jesu keghi kha wẹẹ, “Evbavba yabọ iran rhunmwuda iran ma rẹn emwi ne iran ru.” Iran keghi yan uta ye ukpọn rẹn, iran na gha ẹre ne egbe.

II Kọrinti 2:11

Ne a ghẹ miẹn ehe na rhie otọ ne obọ Setan ya ke odukhunmwu ne ọghe ima, rhunmwuda ma rẹn ehe ne ọ ghae yi.

II Kọrinti 2:7

Vbene ọ rhirhi gha ye hẹ, wa ya bọ ẹe, wa ghi vbe gha bu ẹre ude iwo vbe egbe ne ekhọe ẹre ghẹ ya rhia sẹrriọ ne ọ gha na ghi wa zobọ fẹẹrẹ.

Failimọn 1:15

Ọ gha kẹe, te Onisimọs kpao sẹ uẹ rae vbe ẹghẹ kherhe, ne ọ miẹn ehe na bu ruẹ rre do gha re ọ wuẹ rhinrin ẹdẹ.

I Samuẹl 1:19

Vbe owiẹ ne ọ lele ẹe, Ẹlkana kevbe ẹgbẹe ọre keghi guakpao, iran ghi gaa e Nọyaẹnmwa nẹ, iran keghi werriegbe gha rrie owa iran vbe Rama. Ẹlkana kevbe Hanna ne amwẹ ọnrẹn keghi miẹn egbe, e Nọyaẹnmwa keghi họn erhunmwu ẹnrẹn.