Gẹnẹsis 45:3 - Edo Bible (E Baibol Ẹdo) Version 1996

³ E Josẹf keghi tama etiọnrẹn wẹẹ, “Mẹ ne Josẹf ọna khin, Erha mwẹ ye rre agbọn ra?” Sokpan ohan mu avbe etiọnrẹn sẹrriọ wẹ iran ma sẹtin rhie ewanniẹn nẹẹn vbe iran họn ẹmwẹ na.

Gẹnẹsis 45:3 ပူးပေါင်းရင်းမြစ်များ

Gẹnẹsis 37:20

Wa larre ne I ma gbe ẹe rua ne a mu ikun ẹnrẹn fi ọkpa vbe uwu avbe uhae na, ma sẹtin kha wẹ aranmwẹ akọn ọre ọ gbe ẹe re. Ma ghi ghe vbe ne imina rẹn ghẹ ghi ya sẹ hẹ.”

Gẹnẹsis 42:21

Iran keghi gu egbe iran guan wẹẹ, “Emwi ne ima ru ọtẹn mwa re i maa. Aro ima sọe vbene obọ dae sẹ hẹ vbe ẹghẹ ne ọ na gha rinmwian ima ne a lahọ vbe egbe irẹn, sokpan ma ma danmwehọ ẹre. Ọnii ọ re ọ si ọlọghọmwa na ye ima egbe.”

Gẹnẹsis 42:22

Riubẹn keghi kha wẹẹ, “I tama uwa ne uwa ghẹ ye obọ kan ọmọ nii ru ẹre emwi rhọkpa, sokpan wa ma họn. Banbanna nian, uwu ne ọ wu ọ re ima rri oya yi na.”

Gẹnẹsis 43:27

Ọ keghi nọ ẹmwẹ egberranmwẹ iran, ọ keghi nọ iran wẹẹ, “Ediọnmwa ne erha uwa ne uwa ta ẹmwẹ ọnrẹn ma mwẹ vbo? Ọ ye rre agbọn? Egbe rran rẹn?”

Job 23:15

Ohan mu mwẹ, I kegha guọ vbe odaro ẹre.

Job 4:5

Eban nian, ọlọghọmwa nii, sẹ uwẹ egbe. Egbe ẹre kan an sẹrriọ wẹ u i ho ne u ziengbe ẹre.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Iyẹn ne ọ Maan Ọghe Mak 6:50

Rhunmwuda te iran hia wa runran vbe iran dẹghe ẹre. Ọwarọkpa nii, Jesu gu iran guan wẹẹ, “Wa ghẹ gie ohan mu uwa ighe mẹ nọ.”

Iyẹn ne ọ Maan Ọghe Luk 5:8

Ugbẹn vbe Saimọn Pita ghi miẹn emwi ne ọ sunu, ọ fan fi igue vbe odaro Jesu, ọ wẹẹ, “Kpao vbe ehe ne imẹ ye rre Nọyaẹnmwa rhunmwuda ọmwa orukhọ mẹ khin!”

Iwinna 7:13

Iran ghi yo ukpogieva, Josẹf keghi ye egbe ne avbe etiọnrẹn miẹn. E Fero keghi vbe rẹn emwa owa Josẹf.

Iwinna 9:5

Rẹn keghi nọọn wẹ, “Gha nọ yi Nọyaẹnmwa?” Urhu nii keghi wanniẹn wẹẹ, “Mẹ ne Jesu ne u zọ ẹre owẹ nọ.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.