Gẹnẹsis 45:26 - Edo Bible (E Baibol Ẹdo) Version 1996

²⁶ Iran tama rẹn wẹẹ, “E Josẹf ye rre agbọn! Rẹn ọ re ọ khaemwisẹ yan Igipt hia!” Ọ keghi yan e Jekọb unuan, ọ ma ya iran yi.

Gẹnẹsis 45:26 ပူးပေါင်းရင်းမြစ်များ

Gẹnẹsis 37:31

Iran keghi gbe ẹwe, iran na fi ẹwu ne gurọọ ọ ghe Jesẹf ye uwu esagiẹn ọnrẹn.

Gẹnẹsis 37:35

Ivbi ẹre nikpia kevbe nikhuo hia keghi rre do gha fu ẹre ẹko rre, sokpan ọ he ne a fu irẹn ẹko rre, ọ wẹẹ, “Te I ra khiẹ ovbi mwẹ I te ya wu.” Rhunmwuda ọnii, ọ na gha khiẹ ovbi ẹre ighẹ Josẹf.

Gẹnẹsis 42:29

Iran ghi sẹ ehe ne Jekọb ne erha iran ye vbe Kenan, iran keghi na iyẹn emwi ne iran miẹn wẹẹ,

Gẹnẹsis 42:36

Erha iran keghi kha ma iran wẹẹ, “Te uwa ra ya mwẹ khian ne ẹ i ghi mwẹ emọ hiehiere. E Josẹf kpaa, Simiọn I ghi rrọọ, Bẹnjamin ọ re uwa ghi ho ne uwa vbe rhie, uhunmwu mwẹ ọre usẹ na ye!”

Gẹnẹsis 42:38

Sokpan e Jekọb wanniẹn wẹẹ, “Ovbi mwẹ i lele uwa rae, ọtiọnrẹn nokpia wu nẹ, rẹn ọkpa kẹkan ọre ọ ghi kẹe. Iran sẹtin gbe ẹe rua vbe odẹ, I khian ọmaẹn gbe nẹ ne ọ gha sẹtin ziengbe akhiẹ ne uwa gha si yọ mwẹ egbe, ọnii ọre I lele rrie.”

Gẹnẹsis 44:28

Ọkpa vbọ sẹ mwẹ rae nẹ, ọ gha kẹe aranmwẹ akọn ọ re ọ yanghaẹn kua, rhunmwuda I ma ghi miẹn ọẹn ke ẹghẹ ne ọ ya kpao gha dee.

Gẹnẹsis 45:25

Iran keghi kpao vbe Igipt gha bu e Jekọb ne erha iran vbe Kenan.

Gẹnẹsis 48:11

E Jekọb keghi tama e Josẹf wẹẹ, “Mẹ ma te kha ighẹ I gha ye miẹn uwẹ aro ọvbehe, sokpan, wanwanna nian, te Osanobua ghi vbe gunmwẹ bẹghe ivbuẹ.”

Job 29:24

I ghi mumu ogiẹ yan iran vbe ẹtin a te fo iran nẹ, aro ne rọkhọ mwẹ ghi rhie igiọdu ne iran.

Job 9:16

Gie a kha wẹ ọ rhie ẹghẹ mẹ ne I ya zẹ ne unu mwẹ, mẹ ma yayi ighẹ ọ gha danmwehọ mwẹ.

Psalm 105:21

Ọ rhie ẹre ye ne ọ gbearoghe arriọba ẹre ọ keghi ya ẹe ru enọkhaemwisẹ yan otọe ni.

Psalm 126:1

Ẹghẹ ne Nọyaẹnmwa na viọ ima dọlegbe gha die Jerusalẹm, te ọ wa yevbe imina!

Jona 2:7

Ẹghẹ ne I na miẹn wẹ ẹdẹ mwẹ rrie dọn ọn, mẹ keghi na erhunmwu ghe ruẹ Nọyaẹnmwa u keghi họn ọghomwẹ ke uwu ọgua Osa ruẹ nọhuanrẹn gha dee.

Iyẹn ne ọ Maan Ọghe Luk 24:11

Sokpan avbe erhuanegbe keghi tie ẹmwẹ ne avbe ikhuo nii do ta ẹmwẹ eghẹrẹ, iran ma vbe yayi.

Iyẹn ne ọ Maan Ọghe Luk 24:34

“Nọyaẹnmwa gele rhiọrre, Saimọn miẹn ọẹn nẹ.”

Iyẹn ne ọ Maan Ọghe Luk 24:41

Iran ma ye yayi rhunmwuda iran vuọn ne oghọghọ, Ọ keghi yan iran unuan, rhunmwuda ọnii, ọ keghi nọ iran wẹẹ, “Wa mwẹ evbare vbe emwana ra?”