Gẹnẹsis 45:22 - Edo Bible (E Baibol Ẹdo) Version 1996

²² Ọ kevbe viọ ukpọn ne iran gha ya fi ni rre iran ẹkun werriẹ ne iran, sokpan ọ keghi viọ agiẹghẹ esiliva iyisẹn yan uri (300) ne Bẹnjamin kevbe ẹwu ughughan isẹn.

Gẹnẹsis 45:22 ပူးပေါင်းရင်းမြစ်များ

Gẹnẹsis 43:34

A kegha ke eteburu e Josẹf viọ evbare gie iran. A keghi gie evbare Bẹnjamin ye ukhukhu isẹn sẹ ọghe iran nekpa. Iran keghi guẹe re, guẹe da, ayọn te do gha gbe iran.

Gẹnẹsis 45:23

Ọ keghi viọ ekẹtẹkẹtẹ igbe, ọ ke kun emwi ne ọmaa sẹẹ ne a miẹn vbe Igipt yan iran viọ gie erha ẹe, deba ekẹtẹkẹtẹ igbe ne a kun ebrẹd yan deba avbe evbare ọvbehe ne erha ẹe gha re vbe okhian nii, gie erha ẹe.

II Ọba 5:5

Ọba keghi kha wẹẹ, “Miẹn ebe na rhie gie ọba Izrẹl.” E Naaman keghi deyan okhian, ọ na viọ esiliva arriaisẹn ọgban (30,000) ikpẹ igoru arriaisẹn ehan (6,000) kevbe aro ughughan ukpọn nọ mose igbe.

Arhie Maan 6:11

A keghi mu ẹwu ogbọnmwọkpa ne ọkpọkpa vbe uwu iran, a na wẹ ne iran he ye ya hẹwẹ nẹ, la ẹghẹ kherhe, rhinrin iran te do gba ighẹ avbe eguọmwadia ne ihua iran, kevbe etẹn iran ne a ra gbele ua zẹ vbene avbe gbele iran uan.

Giọgis 14:12

E Samsin keghi tama iran wẹẹ, “I ra mu ibo ọkpa ne uwa san. Wa i ra sẹtin san rẹn ikpẹdẹ ihinrọn ọghe iruemwi na te do gberra sokpan deghẹ wa sẹtin, I gha viọ ukhiọnfọ eto ovbiohuẹ ọgban ne mose mose kevbe ẹwu ne mose mose ughughan ọgban ne uwa.” Iran keghi tama rẹn, “Ta ibo ruẹ ma ima, gie ima họn ẹn.”

Giọgis 14:19

Ẹre orhiọn e Nọyaẹnmwa na rhie ẹtin ye Samsin iwu, rẹn na gha rhie Askẹlọn. Ọ keghi gbele ikpia ọgban vbe evba, ọ na fu iran emwi viọ, ọ na viọ ukpọn iran ni mose ne emwa ni san ibo ẹre. Rẹn na ghi ya ohu guọn mwẹ egbe gha rrie ba ẹmwẹ emwi ne ọ sunu.