Gẹnẹsis 45:21 - Edo Bible (E Baibol Ẹdo) Version 1996

²¹ Ivbi Izrẹl keghi ruẹe vberriọ. E Josẹf keghi viọ ikẹkẹ okhuae ne iran zẹ vbene ọba khare, ọ na vbe viọ evbare ne iran gha re vbe okhian iran.

Gẹnẹsis 45:21 ပူးပေါင်းရင်းမြစ်များ

Gẹnẹsis 45:19

Tama iran ne iran viọ avbe ikẹkẹ okhuae ke Igipt kpao ne iran ya viọ amwẹ iran kevbe ivbi iran negiẹrẹ gha dee. Tama iran ne iran rhie erha iran gha dee.

Gẹnẹsis 45:20

Wẹ ne iran ghẹ gie emwi ne iran sẹrae da iran, emwi ne ọ maa sẹẹ vbe otọe Igipt hia, ọghe iran ra gha nọ.”

Gẹnẹsis 45:27

Sokpan, ugbẹn vbe iran ghi tama rẹn vbene Josẹf kha hẹ, ọ na vbe miẹn avbe ikẹkẹ okhuae ne Josẹf viọ rre ne a do ya mu irẹn gha die Igipt, ẹko keghi rhiẹnrhiẹn ẹn ẹsẹse.

Gẹnẹsis 46:5

E Jekọb keghi suẹn okhian rẹn ke Biẹsiẹba kpao. Ivbi Izrẹl keghi mu erha iran ighẹ Jekọb kevbe avbe ivbi iran kevbe amwẹ iran ye uwu ikẹkẹ okhuae ne ọba wẹ ne a do ya hẹ iran rre.

II Krọnikol 35:16

Ọ re a na miẹn wẹ zẹ vbene Josaia ne ọba wẹ ne a ru ẹe, erriọ ọ re a wa ru emwi hia ẹdẹrriọ ya ru ugamwẹ e Nọyaẹnmwa, emwiukpo Alagberra ne a ru, deba ese ne a giẹn uan nẹ vbe Ogiukpo.

II Krọnikol 8:13

Ọ keghi zọ ese ne a tọẹn zẹ vbene Uhi e Mosis mu ẹẹn ye otọ ne dọmwadẹ ẹdẹ ne ọ huanrẹn. Ẹdẹ Ikẹtin, Emwiukpo Uki Ọgbọn, kevbe emwiukpo eha ne a ru ukpukpo, ena ọre Emwiukpo Ebrẹd Nọmahue, Emwiorhọ kevbe Emwiukpo Irhu.

Ẹksọdọs 17:1

Ivbi Izrẹl hia keghi si kpao vbe ato Sin rre, iran na gha si ke agọ ọkpa la ọvbehe zẹ vbene Nọyaẹnmwa tama iran. Iran keghi ya yakọ vbe Rẹfidim, sokpan iran ma miẹn amẹ wọn vbe evba.

Asan-Ibo 8:2

Gha ru vbene ọba khare, ghẹ vbe tua ve Osanobua emwi.

Eve Orriara 1:18

“Sokpan, emwi ne ọ khẹke ọ re Nọyaẹnmwa ru, rhunmwuda mẹ ọ re ọ yan ẹẹn zẹ. Wa danmwehọ mwẹ, emwa ni rre ehe hia wa ghe mwẹ vbe uwu obalọ ne I ye. A viọ avbe igbama kevbe avbe uvbi mwẹ oghunmwu gha rrie.

Ezikiẹl 23:24

“Iran gha ke odẹ okuọ suẹn gha guẹ gbinna, iran ghi ya ikẹkẹ okuo viọ ivbiyokuo nibun gha dee, deba okotọ ne a ya hẹ emwi gie iran. Iran mwẹ erhu ẹgere kevbe asa ne a ya khẹ egbe, iran gha lẹga ruẹ. I gha vbe rhie ruẹ ye iran obọ, iran ghi tie uhi iran ya bu ohiẹn ruẹn.

Nọmbas 3:16

Ẹ Mosis keghi ru vberriọ.