Gẹnẹsis 45:15 - Edo Bible (E Baibol Ẹdo) Version 1996

¹⁵ Vbe iyeke ọnii, ọ keghi mu unu soso etiọnrẹn hia fẹẹrẹ unu, ọ keghi viẹ vbe ne ọ gba iran ginna egbe.

Gẹnẹsis 45:15 ပူးပေါင်းရင်းမြစ်များ

Gẹnẹsis 29:11

Ọ keghi ye unu Soso ọmọ okhuo nii unu, ọ na gha viẹ.

Gẹnẹsis 29:13

Ugbẹn vbe ọ ghi họn ẹmwẹ Jekọb ne ọtiọnrẹn, ọ rhulẹ ya vba ẹre, ọ gbae ginna egbe, ọ keghi ya unu soso ẹre unu, ọ na rhie ẹre gha die owa. Jekọb na na iyẹn emwi ni sunu hia ma e Leban.

Gẹnẹsis 33:4

Sokpan Isọ keghi ya rhulẹ vba ẹre, ọ keghi viọ obọ kinnọ ẹre urhu, ọ siẹe kẹ egbe ọ na ye unu soso ẹre unu. Iran e eva kegha viẹ.

Gẹnẹsis 42:24

E Josẹf keghi kpao sẹ iran rae, ọ na ya viẹ; ugbẹn vbe ọ ghi vbe sẹtin gha guan nẹ, ọ keghi bu iran gha de ọ keghi mu Simiọn, ọ na sirra iran hia gbae.

Gẹnẹsis 45:14

Rẹn keghi gba Bẹnjamin ne ọtiọnrẹn ginna egbe, ọ na gha viẹ. E Bẹnjamin kevbe gha viẹ vbe ehe ne ọ na gbae ginna egbe nii.

Gẹnẹsis 45:16

Ugbẹn vbe iran ghi na iyẹn na sẹ ẹguae ọba wẹ etẹn e Josẹf rre, ọba, kẹe kevbe emwa iwinna rẹn kegha ghọghọ.

Gẹnẹsis 45:2

Ọ keghi ya urhu ne ọ la viẹ sẹrriọ ne emwa Igipt na họn, iran na ya na iyẹn ọnrẹn sẹ ẹguae ọba.

Gẹnẹsis 46:29

e Josẹf keghi wẹ ne a mu ikẹkẹ okhuae gie irẹn ọ na gha rrie Gosiẹn ne ọ ya vba erha ẹe ighẹ Izrẹl. Ugbẹn vbe ọ ghi wa miọẹn, ọ gbae ginna egbe, ọ keghi viẹ kpẹe vbotọ ẹsẹse vbene ọ ya gbae ginna egbe nii.

II Samuẹl 14:33

Ẹre Joab na bu ọba Devid gha khian ya tama rẹn vbene Absalọm kha hẹẹ. Ọba keghi gie ne a tie Absalọm ọ keghi bu ẹre gha khian, ọ na mu ẹko rhu otọ ne ẹẹn.

Psalm 77:4

Vbe asọn biiri ọ ma gunmwẹ vbiẹ ekhọe mwẹ rhia sẹrriọ wẹ I ma sẹtin guan.

Ẹksọdọs 4:27

E Nọyaẹnmwa keghi khama Errọn wẹẹ, “Gha rrie uwu ato ne u ya vba Mosis.” Rẹn keghi ya vba ẹre vbe oke ne ọ huanrẹn, ugbẹn vbe ọ ghi miẹn ọẹn, ọ keghi ya unu soso ẹre unu.

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.

Iwinna 20:37

Ehia keghi wa gbe akhe eve ua, iran keghi gbae ginna egbe iran kegha mu ẹre unu hiẹnhiẹn ya gbe ọkhian ẹdẹ hia nẹẹn.

Ebe Rut 1:14

Iran keghi vbe dọlegbe gha viẹ; ẹre Ọfa ghi na mu iye ọdọ ẹre unu hiẹnhiẹn ya gbe ọkhian ẹdẹ hia nẹẹn, ọ na kpao bu emwa irẹn, sokpan e Rut ma sẹ ọe rae.

Ebe Rut 1:9

E Nọyaẹnmwa ne ọ lahọ ne ọ gie uwa miẹn ọdọ rọnmwẹ ne uwa vbe gha mwẹ owa.” Ẹre Naomi na mu iran unu hiẹnhiẹn ya gbe ọ khian ẹdẹ hia ne iran. Sokpan, iran keghi kpe rua a.

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.

I Samuẹl 20:41

Ọvbokhan okpia nii ghi kpao nẹ, e Devid keghi ladian vbe iyeke utete avbe okuta nii, ọ keghi lovbiẹ ye otọ lọlọọlọ, ọ na vbokho uhunmwu rriotọ igba eha. Rẹn kevbe Jonatan kegha viẹ vbe iran mu egbe unu hiẹnhiẹn, ẹko e Devid ọ re ọ rhia sẹ Ọghe Jonatan.