Gẹnẹsis 44:5 - Edo Bible (E Baibol Ẹdo) Version 1996

⁵ Vbọzẹ ne uwa na do ukpu esiliva mwẹ rhie? Ukpu na ọ re arowa mwẹ ya wọn amẹ, ọ re ọ vbe ya bọ. Emwi ne uwa ru i ma hiehiere.’ ”

Gẹnẹsis 44:5 ပူးပေါင်းရင်းမြစ်များ

Gẹnẹsis 30:27

E Leban keghi tama rẹn wẹẹ, “Gun mwẹ tama ruẹn, I ghe emwi yọ, I keghi miẹn wẹ rhunmwuda ruẹ ọre Nọyaẹnmwa na fiangbe mwẹ.

Gẹnẹsis 44:15

E Josẹf keghi kha wẹẹ, “Vbe ọ na khin uyinmwẹ ne uwa yinrin na yi? Wa ma rẹn wẹ ọmwa vbene imẹ ye gha sẹtin bọ mu uwa ra?”

Gẹnẹsis 44:6

Ugbẹn vbe ọguọmwadia nii ghi khu iran mu nẹ, ọ keghi wa talọ ẹmwẹ na hia.

I Ọba 20:33

Emwa e Benhadad keghi wa rhie aro ye otọ ne iran rẹn vbene o gha ye hẹ, rhunmwuda ọnii, Ehab ghi kha wẹẹ, “Ọtẹn mwẹ ne okpia” iran keghi wa zegiẹgiẹ mu ọnii go kha wẹẹ, “Vbene u gele ta ee ni, ọtuẹn ne okpia ore Benhadad khin!” Ehab keghi kha wẹẹ, “Wa ya rhie ẹre gunmwẹ.” E Benhadad ghi rre, Ehab na wẹ ne ọ do gu irẹn tota ye uwu ikẹkẹ okuo.

II Ọba 21:6

Ọ keghi ye ovbi ẹre ne okpia zọ ese ne a giẹn uan. Rẹn kegha fi iha ọ kevbe gha ru ẹbo edunna, ọ kevbe gha bọ vbe ọghe ọbo kevbe iran ni gu ẹrinmwi guan. Ọ keghi kakabọ sẹ ẹmwẹ e Nọyaẹnmwa, ọ na gie ẹe mu ohu.

Levitikọs 19:26

“Wa ghẹ rri emiowo ke ẹe kevbe esagiẹn. Ghẹ zẹ ọbo imamase rhọkpa.