Gẹnẹsis 44:27 - Edo Bible (E Baibol Ẹdo) Version 1996

²⁷ Erha ima ke tama ima wẹẹ, ‘Wa rẹnrẹn wẹ emọ ikpia eva ọre ọvbokhan mwẹ ighẹ Rekiẹl biẹlẹ mẹ.

Gẹnẹsis 44:27 ပူးပေါင်းရင်းမြစ်များ

Gẹnẹsis 29:28

E Jekọb ke kue yọ, izọla oghọghọ irhiọha ni ghi gba nẹ, e Leban keghi rhie Rekiẹl ne ovbi ẹre nẹẹn rhie rọnmwẹ. (

Gẹnẹsis 42:38

Sokpan e Jekọb wanniẹn wẹẹ, “Ovbi mwẹ i lele uwa rae, ọtiọnrẹn nokpia wu nẹ, rẹn ọkpa kẹkan ọre ọ ghi kẹe. Iran sẹtin gbe ẹe rua vbe odẹ, I khian ọmaẹn gbe nẹ ne ọ gha sẹtin ziengbe akhiẹ ne uwa gha si yọ mwẹ egbe, ọnii ọre I lele rrie.”

Gẹnẹsis 44:26

Ma keghi wanniẹn wẹẹ, ‘Ma i sẹtin yo; a i ra gie ima miẹn okpia nii vbe ẹ i re te ọtẹn ima nekherhe rre evba ba ima, ọtẹn ima nekherhe gha lele ima ọkpa ẹre ima gha na yo.’

Gẹnẹsis 46:19

Ivbi e Rekiẹl ne amwẹ Jekọb ọre ena khin: e Josẹf kevbe Bẹnjamin.

Gẹnẹsis 46:22

Iran iwenẹ na ọrọre ivbi e Jekọb ne Rekiẹl biẹlẹ.