Gẹnẹsis 44:2 - Edo Bible (E Baibol Ẹdo) Version 1996

² Rhie ukpu esiliva mwẹ ye unu ẹkpo ọtẹn iran nọkanmwasẹ kẹe kevbe igho ne ọ ya de ọka.” Ọ keghi ru vbene a tama rẹn.

Gẹnẹsis 44:2 ပူးပေါင်းရင်းမြစ်များ

Gẹnẹsis 42:20

Wa ghẹ mwẹ wa ma rhie ọtẹn uwa nekherhe gunmwẹ ne I miẹn ehe na rẹn wẹ, ẹmwata wa tae ne a ghẹ gbele uwa a.” Iran ke ya obọ yọ vberriọ.

Gẹnẹsis 42:25

E Josẹf keghi wẹ ne a viọ ọka vuọn ẹkpo iran, ne a vbe dọlegbe rhie igho dọmwadẹ ọghọe ye ẹkpo dọmwadẹ ọghọe, kevbe ne iran vbe viọ evbare ne iran gha re vbe odẹ ne iran, a ke ru vberriọ.

Gẹnẹsis 43:32

Iran keghi rhie ọghe Josẹf nẹẹn, rẹn ọkpa vbe ehe ughaẹn. A kevbe viọ ọ ghe etiọnrẹn ye eteburu ọvbehe, a kevbe viọ ọghe ivbi Igipt ni deba ẹre gha rrie evbare ne iran vbe ehe ughaẹn. Rhunmwuda iran kae ye awua ne a deba emwa Hibru gha rri evbare.

Gẹnẹsis 44:1

E Josẹf keghi khama ọguọmwadia ne ọ gbearoghe owa ẹre wẹẹ, “Viọ evbare vuọn ẹkpo iran na vbene iran gha sẹtin mu sẹ, u ghi vbe dọlegbe viọ igho dọmwadẹ ọghọe ye unu ẹkpo ẹre.

Gẹnẹsis 44:12

Ọguọmwadia e Josẹf keghi hẹko gualọ ke egbe enọwansẹ yasẹ enọkanmwasẹ, a keghi miẹn ukpu nii vbe ẹkpo a Bẹnjamin.

Gẹnẹsis 44:3

Owiẹ vbe ẹdẹ ghi gbe, a keghi zẹ iran urrie ba ekẹtẹkẹtẹ iran.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

II Kọrinti 8:8

Ẹ i re te I vinnọ uhi ye otọ, sokpan, I gha ta vbene emwa ọvbehe gbe igiangian ye ẹmwẹ iyobọ ne a ru hẹ, te I ho ne I rẹn vbene aho ẹmwẹ ọmwa uwa re ọghe ẹmwata hẹẹ.

Diuteronomi 13:3

Ghẹ zẹdẹ zẹ ye ọ re hiehiere, e Nọyaẹnmwa Osanobua ruẹ ọ re ọ ya ẹe danmwẹ ọẹn ghe, ne ọ miẹn ehe na ghe a deghẹ wẹ ye ekhọe ruẹ hia kevbe orhiọn ruẹn hia ho ẹmwẹ Nọyaẹnmwa.

Diuteronomi 8:16

Ọ rhie mana ne uwa re vbe uwu ato, egbe evbare ne avbe erha uwa odede ma re ẹdẹ. Ọ keghi gie ọlọghọmwa gie uwa ne ọ miẹn ehe na danmwẹ uwa ghe, ne ọ miẹn ehe na ya emwi ne ọma fiangbe uwa vbe okiekie.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.