Gẹnẹsis 44:18 - Edo Bible (E Baibol Ẹdo) Version 1996

¹⁸ E Juda keghi bu e Josẹf gha khian ọ keghi wẹẹ, “Lahọ enọwanrẹn, gun mwẹ fanmwegbua guẹ guan. Ghẹ gunmwẹ gui enọwanrẹn, te uwẹ wa yevbe ọba tobọ ẹre,

Gẹnẹsis 44:18 ပူးပေါင်းရင်းမြစ်များ

Gẹnẹsis 18:30

Ebraham keghi kha wẹẹ, “Lahọ ghẹ gie ohu muẹn Nọyaẹnmwa, I gha ye guan. A deghẹ ọgban kẹkan nọ vbo?” Rẹn wanniẹn wẹẹ, “I i ra ruẹe a deghẹ I miẹn ọgban vbọ.”

Gẹnẹsis 18:32

Ebraham keghi kha wẹẹ, “Lahọ ghẹ mu ohu Nọyaẹnmwa, I gha ye guan uhukpa na kẹkan. A deghẹ igbe kẹkan ọre a miẹn vbọ vbo?” Rẹn keghi kha wẹẹ, “I i ra fuẹn ọẹn ruan a deghẹ a miẹn igbe vbọ.”

Gẹnẹsis 37:6

Ọ Wẹẹ, “Wa danmwehọ imina ne I minaẹn.

Gẹnẹsis 37:7

Ma hia kegha rre ugbo, ma na gha gbalọ ọka irhuarhua ikun ikun, ọghomwẹ keghi kpaegbe mudia kpasi, ikun ọghe uwa na tẹn lẹga ẹre, iran ya uhunmwu rhanmwẹ otọ ne ọghomwẹ.”

Gẹnẹsis 37:8

Etiọnrẹn keghi nọrẹn wẹẹ, “Te uwẹ ro ighẹ u gha rri ọba yan ima ra?” Iran keghi dọlegbe kakabọ gha mu ohu ẹre rhunmwuda ẹmwẹ ne ọ tae vbe kpa iran kevbe imina rẹn.

Gẹnẹsis 41:40

I gha mu ẹmwẹ ẹvbo mwẹ yuẹ obọ, emwa mwẹ ghi gha ru vbene u khare. Wẹ ọ re ọ ghi ra gha zẹ lele mwẹ.”

Gẹnẹsis 41:44

Ọba keghi khama rẹn wẹẹ, “Mẹ ọrọre ọba, vbe ẹ i re te uwẹ kue yọ, orhiọnkpa i rre otọ Igipt ne ohan gha giẹe nẹ obọ ra owẹ.”

Gẹnẹsis 44:17

E Josẹf keghi wanniẹn wẹẹ, “Hiehiere! mẹ i khian ru vberriọ, ọmwa ne a miẹn ukpu nii vbe obọ ẹre ọkpa ọre ọ ra gha re ọviẹn mwẹ. Wa nekpa sẹtin bu erha uwa gha khian vbe egbe hẹnnẹdẹn.”

II Samuẹl 14:12

Okhuo nii keghi kha wẹẹ, “Umogun, ọ ye kẹ ẹmwẹ ọkpa ne I ghi gie ue ta.” Rẹn keghi wanniẹn wẹẹ, “Ọ maa.”

Ẹsta 1:12

Sokpan, avbe odibo ghi ya tama e Vasti ne Oloi vbene ọba khare, ọ na wẹ rẹn i dee. Emwi na keghi mu ọba ohu ẹsẹse.

Job 33:31

Banbanna nian, danmwehọ ẹmwẹ ne I ta, e Job, hunwan ne u gunmwẹ guan.

Psalm 79:5

Nọyaẹnmwa, u gha wa mu ohu ima rhinrin ẹdẹdẹmwẹdẹ ra? Ohu ruẹ gha wa gha giẹn khian zẹ vbe erhẹn ra?

Ẹksọdọs 32:22

Errọn keghi wanniẹn wẹẹ, “Ghẹ gunmwẹ gui, u rẹn vbe ne ọ rre iran na ekhọe hẹ ne iran gha ru emwi dan.

Itan 19:12

Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 5:19

Ọ kpọlọ sẹ vberriọ wẹ emwa ẹvbo hia, emwa ughughan hia kevbe ẹvbo ne a zẹ hia, kegha muohan rẹn, iran kegha guọ ne ẹẹn. Ọ gha wẹ rẹn gha gbe ọmwa, ọ ghi gbe ẹe, ọ gha wẹ rẹn gha fan ọmwa, ọ ghi fan ẹẹn. Rẹn ọ re ọ mu ọghọ ye ọmwa egbe, rẹn ọ re ọ vbe fa ọmwa an vbene ọ khọn rẹn.

Iyẹn ne ọ Maan Ọghe Jọn 5:22

Erriọ vbe nọ, Erha i tobọ ẹre bu ohiẹn ọmwaikọmwa, ọ rhie asẹ hia ne ovbi ẹre nẹ ne ọ ya gha bu ohiẹn.

Iwinna 2:29

“Wanwanna etẹn mwẹ, I gha rhan otọ ẹmwẹ Devid ne erhamwa odede ma uwa. Ọ wu, a keghi re ẹre. Idin ẹnrẹn ye gu ima rre emwa do sẹ ẹdẹ ne ẹre na.