Gẹnẹsis 44:1 - Edo Bible (E Baibol Ẹdo) Version 1996

¹ E Josẹf keghi khama ọguọmwadia ne ọ gbearoghe owa ẹre wẹẹ, “Viọ evbare vuọn ẹkpo iran na vbene iran gha sẹtin mu sẹ, u ghi vbe dọlegbe viọ igho dọmwadẹ ọghọe ye unu ẹkpo ẹre.

Gẹnẹsis 44:1 ပူးပေါင်းရင်းမြစ်များ

Gẹnẹsis 24:2

Ọ keghi tama ne ọ ghi re ọdiọn vbe avbe eguọmwadia ẹre hia, ne ọ vbe gbearoghe emwi ne ọ mwẹ hia wẹẹ, “Do viọ obọ yọ mwẹ akharha ne u vẹn ihẹn.

Gẹnẹsis 42:25

E Josẹf keghi wẹ ne a viọ ọka vuọn ẹkpo iran, ne a vbe dọlegbe rhie igho dọmwadẹ ọghọe ye ẹkpo dọmwadẹ ọghọe, kevbe ne iran vbe viọ evbare ne iran gha re vbe odẹ ne iran, a ke ru vberriọ.

Gẹnẹsis 42:35

Ugbẹn vbe iran ghi fannọ ẹkpo, ẹsiso igho edọmwadẹ ọghọe kegha rre uwu ẹkpo ẹre, ugbẹn vbe iran ghi miẹn avbe ẹsiso igho ni, ohan keghi mu iran kevbe erha iran.

Gẹnẹsis 43:16

Ugbẹn vbe Josẹf ghi bẹghe Bẹnjamin vbe uwu iran, ọ ke tama ọguọmwadia ne ọ gbearoghe owa irẹn wẹẹ, “Viọ avbe emwa na la owa, gbe aranmwẹ ne u lẹe rhunmwuda mẹ kevbe avbe emwa na gha gba rri evbare vbe avan nẹrẹ.”

Gẹnẹsis 43:19

Iran keghi rhunmwuda ọnii bu ọguọmwadia ne ọ gbearoghe owa e Josẹf, iran tama rẹn vbe onurho wẹẹ,

Gẹnẹsis 43:2

Ugbẹn vbe emwa e Jekọb ghi rri ọka ne iran viọ ke Igipt rre fo nẹ, e Jekọb keghi tama ivbi ẹre wẹẹ, “Wa dọlegbe gha khian ne uwa ya de evbare kherhe gie ima.”

Gẹnẹsis 44:2

Rhie ukpu esiliva mwẹ ye unu ẹkpo ọtẹn iran nọkanmwasẹ kẹe kevbe igho ne ọ ya de ọka.” Ọ keghi ru vbene a tama rẹn.

Aizaia 3:1

Banbanna nian, e Nọyaẹnmwa, e Nọyaẹnmwa ne Oghodua ra do viọ avbe emwi nii kevbe emwa nii ne iran mu ẹtin yan hin e Jerusalẹm kevbe Juda rre. Ọ ra do viọ evbare kevbe amẹ iran hin rre,