Gẹnẹsis 43:8 - Edo Bible (E Baibol Ẹdo) Version 1996

⁸ E Juda keghi khama erha iran wẹẹ, “Giẹ ọvbokhan na lele ima gha khian, ne ima muegbe ne a gha khian. Ẹghẹ nii, ne ohanmwẹ gha gbua i ghi rre uwu ima.

Gẹnẹsis 43:8 ပူးပေါင်းရင်းမြစ်များ

Gẹnẹsis 42:2

Ihọẹn ighẹ ọka rre Igipt; wa gha khian ne uwa ya dẹ rre vbọ ne ohanmwẹ ghẹ gbele ima an.”

Gẹnẹsis 42:38

Sokpan e Jekọb wanniẹn wẹẹ, “Ovbi mwẹ i lele uwa rae, ọtiọnrẹn nokpia wu nẹ, rẹn ọkpa kẹkan ọre ọ ghi kẹe. Iran sẹtin gbe ẹe rua vbe odẹ, I khian ọmaẹn gbe nẹ ne ọ gha sẹtin ziengbe akhiẹ ne uwa gha si yọ mwẹ egbe, ọnii ọre I lele rrie.”

Gẹnẹsis 44:20

Enọwanrẹn, ewanniẹn ne ima rhie nuẹn ọrọre wẹẹ, ‘Ma ye mwẹ erha ne ọ khian ọmaẹn nẹ kevbe ọtẹn okpia ọkpa ne ọ re ọvbokhan ne a biẹ nẹẹn vbe ọ khian ọmaẹn nẹ. Ọtẹn ọvbokhan okpia nọkpa wu nẹ, rẹn ọkpa ọ re ọ ghi kẹe vbe emọ ne iye ẹe biẹlẹe, erha ẹe wa vbe ho ẹmwẹ ọnrẹn ẹsẹse.’

Gẹnẹsis 44:26

Ma keghi wanniẹn wẹẹ, ‘Ma i sẹtin yo; a i ra gie ima miẹn okpia nii vbe ẹ i re te ọtẹn ima nekherhe rre evba ba ima, ọtẹn ima nekherhe gha lele ima ọkpa ẹre ima gha na yo.’

Gẹnẹsis 45:19

Tama iran ne iran viọ avbe ikẹkẹ okhuae ke Igipt kpao ne iran ya viọ amwẹ iran kevbe ivbi iran negiẹrẹ gha dee. Tama iran ne iran rhie erha iran gha dee.

Gẹnẹsis 50:21

Banbanna nian, wa ghe fian afianma, I gha gbearoghe uwa kevbe ivbi uwa negiẹrẹ.” Ọ keghi ye ẹmwẹ itohan rhie igiọdu ne ọ mu iran ekhọe ne iran.

Gẹnẹsis 50:8

Emwa iwinna Fero hia, iran ni ke odukhunmwu vbe ẹguae ẹre kevbe iran ni gba khia hia vbe Igipt keghi lele Josẹf gha khian, deba emwa ẹnrẹn hia kevbe avbe etiọnrẹn nikpia kevbe ẹgbẹe erhae hia. Sokpan ivbi iran negiẹrẹ ọkpa, avbe ohuan iran kevbe ẹwe iran kevbe ẹmila iran ọ re ọ ghi gha rre otọe Gosiẹn.

II Ọba 7:13

Ọkpa vbe uwu avbe ọkaokuo ẹre keghi kha wẹẹ, “Ọ ghe iran ni rre adesẹ ore ẹvbo na fo nẹ zẹ vbene emwi ghi ye na zẹ vbe ne ọghe emwa ni wulo nẹ ye. Rhunmwuda ọnii, gi ima ye ẹsin isẹn vbe ni ghi dekẹe gie emwa eso, ne a miẹn ehe na rẹn otọ emwi nọ ọ sunu.”

II Ọba 7:4

A i zẹdẹ vbe la adesẹ ore ẹvbo rhunmwuda te ohanmwẹ gbele ima an vbe evba. Sokpan ma gha vbe mudia vbe emwa, te ima ra ye vbe wulo. Rhunmwuda ọnii, wa gie ima la agọ ivbi e Siria, ọmarugbe iran gbele ima an, u gha ghe, iran ghi sẹ ima rae.”

Ẹzra 8:21

A ghi sẹ Ẹzẹ ne a fiaẹn ọghe Ahava, I keghi wẹ ne ima hia yo aguẹ, ne avbe mu egbe rriotọ vbe odaro Osanobua mwa, ne a vbe rinmwiaẹn ne ọ su ima vbe okhian mwa, kevbe ne ọ degue ima kevbe ivbi ima deba emwi ne ima mwẹ hia.

Psalm 118:17

I i wu, sokpan, te I ra gha rre agbọn I ghi gha na iyẹn emwi ne Nọyaẹnmwa ru mẹ.

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Nọmbas 14:31

Wa khare ighẹ a gha munọ ivbi uwa oghunmwu, sokpan I gha viọ iran gha rrie otọe nii ne uwa he, ọ ghi khian owa iran.

Diuteronomi 33:6

E Mosis keghi guan vbekpa ẹwae Riubẹn wẹẹ: “E Riubẹn mwẹ i ra wu gbẹro, emwa iran gha rhe re ibozẹghẹ.”