Gẹnẹsis 43:5 - Edo Bible (E Baibol Ẹdo) Version 1996

⁵ A deghẹ u ma kue, ma i rae, sokpan a ma wẹ te ima rhie ọtẹn ima mwẹ obọ.”

Gẹnẹsis 43:5 ပူးပေါင်းရင်းမြစ်များ

Gẹnẹsis 42:15

Vbenian ọre ima gha ya danmwẹ uwa ghe: I ya eni Fero yan wẹ wa i ra kpao vbe emwa rre deghẹ ẹ i re te ọtẹn uwa nekherhe gha die edinran.

Gẹnẹsis 42:20

Wa ghẹ mwẹ wa ma rhie ọtẹn uwa nekherhe gunmwẹ ne I miẹn ehe na rẹn wẹ, ẹmwata wa tae ne a ghẹ gbele uwa a.” Iran ke ya obọ yọ vberriọ.

Gẹnẹsis 42:38

Sokpan e Jekọb wanniẹn wẹẹ, “Ovbi mwẹ i lele uwa rae, ọtiọnrẹn nokpia wu nẹ, rẹn ọkpa kẹkan ọre ọ ghi kẹe. Iran sẹtin gbe ẹe rua vbe odẹ, I khian ọmaẹn gbe nẹ ne ọ gha sẹtin ziengbe akhiẹ ne uwa gha si yọ mwẹ egbe, ọnii ọre I lele rrie.”

Gẹnẹsis 43:3

E Juda keghi wanniẹn tama rẹn wẹẹ, “Te okpia nii wa yan tae ma ima wẹ ne ima ghe ye aro kan irẹn aro, a deghẹ ma ma rhie ọtẹn ima rre.

Gẹnẹsis 43:4

A deghẹ u gha kue ne ọtẹn ima lele ima gha khian, ma gha yo ya dẹ evbare guẹe.

Gẹnẹsis 43:6

E Jekọb wanniẹn tama iran wẹẹ, “Vbe uwa ghi na vbe si ọna yọ mwẹ urhu hẹ, ne uwa na vbe tama okpia nii ighẹ wa mwẹ ọtẹn ọkpa ọvbehe?”

Gẹnẹsis 44:23

Ẹghẹ ni u ghi na khama ima enọwanrẹn wẹẹ, ‘A deghẹ wa ma rhie ọtẹn uwa nekherhe rre, a i ra kue ne uwa miẹn mwẹ aro.’

Gẹnẹsis 44:25

Ẹre irẹn na kha wẹẹ, ‘Wa werriegbe ne uwa ya dẹ evbare kherhe gie ima.’

Gẹnẹsis 44:26

Ma keghi wanniẹn wẹẹ, ‘Ma i sẹtin yo; a i ra gie ima miẹn okpia nii vbe ẹ i re te ọtẹn ima nekherhe rre evba ba ima, ọtẹn ima nekherhe gha lele ima ọkpa ẹre ima gha na yo.’

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.