Gẹnẹsis 43:4 - Edo Bible (E Baibol Ẹdo) Version 1996

⁴ A deghẹ u gha kue ne ọtẹn ima lele ima gha khian, ma gha yo ya dẹ evbare guẹe.

Gẹnẹsis 43:4 ပူးပေါင်းရင်းမြစ်များ

Gẹnẹsis 42:2

Ihọẹn ighẹ ọka rre Igipt; wa gha khian ne uwa ya dẹ rre vbọ ne ohanmwẹ ghẹ gbele ima an.”

Gẹnẹsis 43:2

Ugbẹn vbe emwa e Jekọb ghi rri ọka ne iran viọ ke Igipt rre fo nẹ, e Jekọb keghi tama ivbi ẹre wẹẹ, “Wa dọlegbe gha khian ne uwa ya de evbare kherhe gie ima.”

Gẹnẹsis 43:3

E Juda keghi wanniẹn tama rẹn wẹẹ, “Te okpia nii wa yan tae ma ima wẹ ne ima ghe ye aro kan irẹn aro, a deghẹ ma ma rhie ọtẹn ima rre.

Gẹnẹsis 43:5

A deghẹ u ma kue, ma i rae, sokpan a ma wẹ te ima rhie ọtẹn ima mwẹ obọ.”

Gẹnẹsis 44:26

Ma keghi wanniẹn wẹẹ, ‘Ma i sẹtin yo; a i ra gie ima miẹn okpia nii vbe ẹ i re te ọtẹn ima nekherhe rre evba ba ima, ọtẹn ima nekherhe gha lele ima ọkpa ẹre ima gha na yo.’