Gẹnẹsis 43:28 - Edo Bible (E Baibol Ẹdo) Version 1996

²⁸ Iran wanniẹn wẹẹ, “Erhamwa ne Ọguọmwadia ruẹ ne ọ mu egbe rriotọ, wa ye rre agbọn, egbe rran rẹn.” Iran keghi diguẹ ya uhunmwu rhanmwẹ otọ nẹẹn.

Gẹnẹsis 43:28 ပူးပေါင်းရင်းမြစ်များ

Gẹnẹsis 37:7

Ma hia kegha rre ugbo, ma na gha gbalọ ọka irhuarhua ikun ikun, ọghomwẹ keghi kpaegbe mudia kpasi, ikun ọghe uwa na tẹn lẹga ẹre, iran ya uhunmwu rhanmwẹ otọ ne ọghomwẹ.”

Gẹnẹsis 43:26

Ugbẹn vbe Josẹf ghi sẹ owa, iran keghi viọ emwi ihaoko nii bu ẹre la owa, iran keghi mu ẹko rhu otọ nẹẹn.

II Samuẹl 1:2

Vbe ikpẹdẹ ne ọ lele ẹe, igbama ọkpa keghi ke agọ e Sọl rre. Ọ keghi sọ ukpọn ye ẹkun ẹnrẹn, ọ na zẹ iku yan uhunmwu zẹ vbe ama ọghe akhiẹ. Ọ keghi bu e Devid gha khian, ọ keghi vbe rre ye uhunmwu kan otọ ne ẹẹn zẹ vbe otuẹ ọghọ.

II Samuẹl 14:4

Okhuo nii keghi bu ọba gha khian, ọ vbokho egbe rriotọ vbe ọghọ ọ keghi kha wẹẹ, “Yọ mwẹ obọ, Umogun!”

I Ọba 1:16

E Batsiẹba keghi vbokho egbe rriotọ vbe odaro ọba, ọba na nọ rẹn wẹẹ, “Vbu a ho?”

II Krọnikol 24:17

Sokpan, e Jehoiada ghi wu nẹ, avbe ekaolotu e Juda keghi kpikpi e Joas ne ọba ne a miẹn wẹ iran ọ re ọ ghi rhie ẹmwẹ ọnrẹn.

Ẹksọdọs 18:7

E Mosis keghi khian bu ẹre sẹ odẹ, ọ mu ẹko rhu otọ nẹẹn, ọ keghi ya unu soso ẹre unu. Iran nọ egbe ẹmwẹ egberranmwẹ iran, iran na la uwu owa ukpọn e Mosis.