Gẹnẹsis 43:27 - Edo Bible (E Baibol Ẹdo) Version 1996

²⁷ Ọ keghi nọ ẹmwẹ egberranmwẹ iran, ọ keghi nọ iran wẹẹ, “Ediọnmwa ne erha uwa ne uwa ta ẹmwẹ ọnrẹn ma mwẹ vbo? Ọ ye rre agbọn? Egbe rran rẹn?”

Gẹnẹsis 43:27 ပူးပေါင်းရင်းမြစ်များ

Gẹnẹsis 37:14

Erha ẹe keghi tama rẹn wẹẹ, “Gha khian, ya ghe ẹre a deghẹ ọ ye avbe etuẹn kevbe avbe ohuan ẹse; u ghi dọlegbe gha de do tama mwẹ.” Ẹre erha ẹe na giẹe ke iya Hibrọn kpao. Ugbẹn vbe Josẹf ghi sẹ Siẹkẹm.

Gẹnẹsis 41:16

E Josẹf keghi wanniẹn wẹẹ, “Ẹ i re imẹ Umogun, Osanobua gha rhie ewanniẹn esi ne ọba.”

Gẹnẹsis 42:11

Etẹn ọkpa ma hia khin. Ma i re ọrhẹ, emwa ẹmwata ma khin.”

Gẹnẹsis 42:13

Iran tama rẹn wẹẹ, “Etẹn iweva ma khin, okpia ọkpa ọ re ọ biẹlẹ ima vbe otọ Kenan. Ne ọ ghi ru ọvbokhan sẹ vbe ima hia gu erha ima vbe owa, ọtẹn mwa nọkpa wu nẹ.”

Gẹnẹsis 43:7

Iran wanniẹn wẹẹ, “Te ọmwa nii wa gha nọ ima ẹmwẹ egbe mwa kevbe emwa ima. Erha uwa ye rre agbọn ra? Wa mwẹ ọtẹn okpia ọvbehe ra? Ẹre ima na gha rhie ewanniẹn ye ọta ne ọ nọ. Ma ma rẹn ighẹ ọ gha wẹ ne ima rhie ọtẹn ima gha de.”

Gẹnẹsis 45:3

E Josẹf keghi tama etiọnrẹn wẹẹ, “Mẹ ne Josẹf ọna khin, Erha mwẹ ye rre agbọn ra?” Sokpan ohan mu avbe etiọnrẹn sẹrriọ wẹ iran ma sẹtin rhie ewanniẹn nẹẹn vbe iran họn ẹmwẹ na.

II Ọba 4:26

Rhulẹ ya vba ẹre ne u nọ rẹn deghẹ ọ ye ẹe ẹse, ke ọdọ ẹre kevbe ovbi ẹre.” Okhuo nii keghi tama Gehazi wẹ emwi hia wa maa,

I Krọnikol 18:10

Ọ keghi rhunmwuda ọnii gie Joram ne ovbi ẹre ne ọ ya wẹ e Devid ne ọba do, ne ọ vbe gu ẹe ghọghọ ye ne obọ ẹre na ke ukhunmwu ne Hadadezẹ ne irẹn vbe Toi he ka gba gbinna yi inugba ne ọ khin. E Joram keghi viọ emwi ihaoko ne a ya igoru, esiliva kevbe oze ru gie Devid.

Ẹksọdọs 18:7

E Mosis keghi khian bu ẹre sẹ odẹ, ọ mu ẹko rhu otọ nẹẹn, ọ keghi ya unu soso ẹre unu. Iran nọ egbe ẹmwẹ egberranmwẹ iran, iran na la uwu owa ukpọn e Mosis.

Giọgis 18:15

Rhunmwuda ọnii, iran keghi na werriegbe iran na gha rri owa e Maika, ehe ne igbama Livai nii ye. Iran keghi nọ rẹn vbene emwi hia ye ẹe hẹ.

I Samuẹl 17:22

E Devid keghi viọ evbare ne ọmwa ne ọ gha evbare, ọ na rhulẹ gha rrie odaro okuo, ọ na bu etiọnrẹn gha khian ya nọ iran vbene ọ ye iran hẹ.

I Samuẹl 25:5

Ọre ọna gie igbama igbe ne iran gha rrie Kamẹl, ya gualọ ẹe miẹn ne iran vbe wẹ ẹre do.