Gẹnẹsis 43:23 - Edo Bible (E Baibol Ẹdo) Version 1996

²³ Ọguọmwadia nii keghi khama iran wẹẹ, “Ghẹ zẹ yọ, ghẹ gie ohan muẹn, Osanobua uwa, Osanobua erha uwa ọre ọ viọ igho ni ye uwa ẹkpo. Igho ne uwa ka hae sọmwẹ obọ.” Ọ na ya rhie Simiọn gie iran.

Gẹnẹsis 43:23 ပူးပေါင်းရင်းမြစ်များ

Gẹnẹsis 42:24

E Josẹf keghi kpao sẹ iran rae, ọ na ya viẹ; ugbẹn vbe ọ ghi vbe sẹtin gha guan nẹ, ọ keghi bu iran gha de ọ keghi mu Simiọn, ọ na sirra iran hia gbae.

Gẹnẹsis 42:28

Ọ keghi tama etiọnrẹn wẹẹ, “Iran kie igho mwẹ dọlegbe mẹ, ghe ẹre vbe uwu ẹkpo mwẹ!” Udu iran ke kpan fi ẹko. Ọna ghi ye ohan ghe ọna, ọna ghe ọna, iran na nọọn wẹẹ, “Wẹ miẹn emwi ne Osanobua ru ima ẹre na.”

Gẹnẹsis 42:36

Erha iran keghi kha ma iran wẹẹ, “Te uwa ra ya mwẹ khian ne ẹ i ghi mwẹ emọ hiehiere. E Josẹf kpaa, Simiọn I ghi rrọọ, Bẹnjamin ọ re uwa ghi ho ne uwa vbe rhie, uhunmwu mwẹ ọre usẹ na ye!”

Gẹnẹsis 43:14

Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”

Gẹnẹsis 43:22

Ma ye vbe viọ igho ọvbehe rre ne a ya dẹ evbare. Ma ma rẹn ọmwa ne ọ viọ igho nii ye ima ẹkpo.”

I Krọnikol 12:18

Orhiọn Osanobua keghi hin yan ọkpa vbọ, Amasai ne ọ ghi khian ọkaolotu nọkhua ọghe “Iran ne Ọgban” ọ keghi wẹẹ, “E Devid ne ovbi e Jese, otu ruẹ ma ye Ọ dunna ẹn ọ re ọwuẹ kevbe iran ni yuọ obọ Wẹ ọ re Osanobua yaba.” E Devid keghi rhan obọ miẹn iran, ọ na viọ iran ye ukpo vbe ivbiyokuo ẹre.

I Krọnikol 12:19

Ivbiyokuo eso vbe ẹwae Manasẹ keghi ya deba e Devid vbe ẹghẹ ne ọ na lele ivbi e Filistin ladian vbe iran ra ya gu e Sọl gbinna. Vbene ẹmwata, ọ ma ru iyobọ ne ivbi e Filistin rhunmwuda ohan mu avbe ọba iran wẹ ọ gha fi iran ne Sọl ne arowa ẹre nẹdẹ, iran na wẹ ne ọ werriegbe gha rrie Ziklag.

Ẹzra 4:17

Ọgbaisi keghi rhie ewanniẹn na gie iran: “E Rehum ne ne ọ khaemwisẹ, e Simsiai ne ọgbenbe ẹvbo, e Sameria kevbe otọe nekpa vbe odẹ Orrie ọghe Yufretes, I giotuẹ uwa.

Iyẹn ne ọ Maan Ọghe Luk 10:5

Ẹghẹ ne uwa a rhirhi ya la uwu owa, wa ghi ka kha wẹẹ, ‘Ọfumwegbe gu owa na rrọọ.’

Iyẹn ne ọ Maan Ọghe Luk 24:36

Ugbẹn vbe iran ghi wa na iyẹn na ma iran, Nọyaẹnmwa keghi wa mudia ye adesẹneva iran vbe udomwurri, ọ wẹẹ, “Ọfumwegbe gu uwa rrọọ.”

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Iyẹn ne ọ Maan Ọghe Jọn 20:19

Vbe Ẹdẹ Uzọla nii, vbe ebiebi ghi so buan nẹ vbe ota, avbe erhuanegbe khui urho ke egbe yi ye ihọkpa rhunmwuda ohan avbe Ju mu iran. Jesu rre, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iyẹn ne ọ Maan Ọghe Jọn 20:21

Jesu keghi vbe dọlegbe tama iran wẹẹ, “Ọfumwegbe gu uwa rrọọ. zẹ vbene Evbavba gie mwẹ, erriọ mẹ vbe gie uwa.”

Iyẹn ne ọ Maan Ọghe Jọn 20:26

Uzọla ọkpa ghi gberra nẹ, avbe erhuanegbe vbe si egbe koko ye uwowa ọkpa, Tọmọs keghi gu iran rre evba. Te a khui urho, sokpan Jesu la owa, ọ keghi gu iran mudia, ọ wẹẹ, “Ọfumwegbe gu uwa rrọọ.”

Giọgis 19:20

Ediọnmwa nii keghi kha wẹẹ, “I gha miẹn uwa yi vbe owa mwẹ. I gha gbe aro ghe uwa, lahọ wa ghẹ vbiẹ adesẹ ughe.”

Giọgis 6:23

Sokpan, e Nọyaẹnmwa tama rẹn wẹẹ, “Ghẹ gie ohan mu ẹẹn, ne ọ maa nọ. U i ra wu.”

I Samuẹl 25:6

Ọna tama iran wẹ ne iran tama e Nabal wẹẹ, “E Devid wẹ do, ọse mwẹ, ọ na erhunmwu guẹ ẹsẹse, kevbe ẹgbẹe ruẹ kevbe emwi ruẹn hia.