Gẹnẹsis 43:21 - Edo Bible (E Baibol Ẹdo) Version 1996

²¹ Ugbẹn vbe ima ghi sẹ ehe ne a na hẹwẹ, vbe ima ghi rhan ẹkpo, dọmwadẹ ọghọe keghi miẹn igho ẹre vbe unu ẹkpo ẹre, igho ima, a keghi wa kae gba. Ma viọ ẹre werriegbe rre nian.

Gẹnẹsis 43:21 ပူးပေါင်းရင်းမြစ်များ

Gẹnẹsis 43:12

Wa viọ igho ukhukhu eva mwẹ, rhunmwuda te ọ kere ne uwa viọ igho ne u wa miẹn vbe ẹkpo uwa werriegbe, ọ gha kẹe te iran ma rẹn.

Gẹnẹsis 43:15

Ẹre iran nii na viọ emwi ihaoko nii kevbe igho ukhukhu eva, iran kevbe rhie Bẹnjamin ba egbe, iran na mu egbe, iran na gha rrie Igipt, iran na ya ye egbe ne Josẹf miẹn.

Gẹnẹsis 43:20

“Lahọ enọwanrẹn, ma ka rrie emwa na do dẹ evbare yi.

Gẹnẹsis 43:22

Ma ye vbe viọ igho ọvbehe rre ne a ya dẹ evbare. Ma ma rẹn ọmwa ne ọ viọ igho nii ye ima ẹkpo.”

Gẹnẹsis 44:8

U miẹn wẹ, igho ne ima miẹn vbe ẹkpo ima, te ima vbe dọlegbe viọ ẹre ke otọ Kenan bu ruẹ gha dee. De emwi ne ọ gha ghi siẹe ne ima gha na do igoru ra esiliva rhie vbe owa arowa ruẹ?

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

Ebe ne Pọl gbẹẹn gie emwa Rom 13:8

Ghẹ rri ọmwa rhọkpa osa, osa ọkpa ne u gha re ọrọre ne uwa gha ho ẹmwẹ egbe, ọmwaikọmwa ne ọ mwẹ ahoẹmwọmwa ghe ihua ẹre, mu nene Uhi sẹ nẹ.

Hibru 13:18

Wa ye gha na erhunmwu ne ima. Ma rẹnrẹn wẹ ekhọe ima ma bu abe gbe ima, rhunmwuda, ma ho ne ima ru vbene ọ kere ẹghẹ hia.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.