Gẹnẹsis 43:18 - Edo Bible (E Baibol Ẹdo) Version 1996

¹⁸ A ghi viọ emwa nii sẹ owa e Josẹf, ohan kegha mu iran, iran kegha ro wẹẹ, “Rhunmwuda igho ne iran werriegbe viọ ye ima ẹkpo ọre iran na viọ ima gha die emwa na. Iran gha dekun ima wan, iran ghi viọ ima oghunmwu, iran ghi miẹn ima ekẹtẹkẹtẹ ima.”

Gẹnẹsis 43:18 ပူးပေါင်းရင်းမြစ်များ

Gẹnẹsis 42:21

Iran keghi gu egbe iran guan wẹẹ, “Emwi ne ima ru ọtẹn mwa re i maa. Aro ima sọe vbene obọ dae sẹ hẹ vbe ẹghẹ ne ọ na gha rinmwian ima ne a lahọ vbe egbe irẹn, sokpan ma ma danmwehọ ẹre. Ọnii ọ re ọ si ọlọghọmwa na ye ima egbe.”

Gẹnẹsis 42:27

Iran ghi sẹ ehe ne iran vbiẹre, ọkpa vbe uwu iran keghi rhan ẹkpo ẹre ne ọ rhie evbare ne ekẹtẹkẹtẹ ọre, ọ keghi miẹn igho ẹre vbe uwu ẹkpo irẹn.

Gẹnẹsis 42:28

Ọ keghi tama etiọnrẹn wẹẹ, “Iran kie igho mwẹ dọlegbe mẹ, ghe ẹre vbe uwu ẹkpo mwẹ!” Udu iran ke kpan fi ẹko. Ọna ghi ye ohan ghe ọna, ọna ghe ọna, iran na nọọn wẹẹ, “Wẹ miẹn emwi ne Osanobua ru ima ẹre na.”

Gẹnẹsis 42:35

Ugbẹn vbe iran ghi fannọ ẹkpo, ẹsiso igho edọmwadẹ ọghọe kegha rre uwu ẹkpo ẹre, ugbẹn vbe iran ghi miẹn avbe ẹsiso igho ni, ohan keghi mu iran kevbe erha iran.

Gẹnẹsis 43:17

Ọguọmwadia nii keghi ru vbene a tama rẹn, ọ keghi viọ emwa nii gha rrie owa e Josẹf.

Gẹnẹsis 43:19

Iran keghi rhunmwuda ọnii bu ọguọmwadia ne ọ gbearoghe owa e Josẹf, iran tama rẹn vbe onurho wẹẹ,

Gẹnẹsis 44:8

U miẹn wẹ, igho ne ima miẹn vbe ẹkpo ima, te ima vbe dọlegbe viọ ẹre ke otọ Kenan bu ruẹ gha dee. De emwi ne ọ gha ghi siẹe ne ima gha na do igoru ra esiliva rhie vbe owa arowa ruẹ?

Job 15:21

Utumwẹ afianma ọ re ọ ra gha tu vbe ehọ ẹre vbe ẹghẹ hia. Avbe izigan ghi hẹ rhu ẹe vbe ẹghẹ ne irẹn gha te ya gha ro ighẹ ẹbe fo.

Job 30:14

Iran ya uhunmwu ha ehe ne I ya khẹ egbe, iran sannọ yan mwẹ ke odukhunmwu rre,

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Psalm 73:16

I keghi te gha hia ne I miẹn otọ emwi na, sokpan ọ wa wegbe sẹ mwẹ.

Aizaia 7:2

Ọba e Juda ghi họn wẹ okuo e Siria sẹẹ otọe e Juda nẹ, ohan mu irẹn kevbe emwa rẹn sẹrriọ wẹ iran ke gha mian gbẹghẹgbẹghẹ zẹ vbe avbe erhan ne ẹhoho hoho.

Daniẹl 6:4

Rhunmwuda ọnii, avbe iran ni su ẹvbo nekpa kevbe avbe gọvina kegha gualọ ehe ne iran gha na miẹn abakuru vbe odẹ ne Daniẹl ya gbearoghe otọe arriọba nii sokpan iran ma miẹn, rhunmwuda, ọmwa ne ọ gie a mu ẹtin yan ọ re Daniẹl khin, ọ ma vbe ru emwi ne ọ ma gba ọghe ogberhu.

Iyẹn ne ọ Maan Ọghe Mak 6:16

Sokpan ugbẹn vbe Hẹrọd họn ẹn, ọ wẹẹ, “Jọn ne Ọsamẹ nọ, I fian ẹre uhunmwu fua sokpan, ọ dọlegbe rhiọrre.”

Ebe ne Pọl gbẹẹn gie emwa Rom 7:8

Orukhọ keghi miẹn ehe la la mwẹ egbe vbe ne ọ ghi na rhie uhi mwẹ obọ do gha kpikpi mwẹ ne I gha ye aro ye emwi ẹrrẹe vbe odẹ ni bun ughughan. Rhunmwuda, akpawẹ uhi i rrọọ, emwi ne ọ wu ọre orukhọ khin.

Diuteronomi 22:14

Ọ na ghi zẹ ba okhuo nii wẹ ẹghẹ ne irẹn na rhie ẹre, ẹ i re rẹn ọre ọ vba ẹre vbe owa.

Diuteronomi 22:17

Ọ vbe ba ẹre ohoghe wẹ ẹ i re rẹn ọ re ọ vba ẹre vbe owa vbe irẹn rhie ẹre. Sokpan, wa ghe emwi ne ọ rhie maa wẹ rẹn ọ re ọ vba ovbi mwẹ vbe owa vbe ẹghẹ ne ọ na rọnmwẹ ọẹn, ghe ukpọn ukpo ọha.’

Giọgis 13:22

E Manoa keghi tama amwẹ ọnrẹn wẹẹ, “Te ima khian wulo rhunmwuda ma miẹn Osanobua.”

Giọgis 14:4

Erha ẹe vbe iye ẹe ma rẹn wẹ e Nọyaẹnmwa ọ re ọ ya e Samsin ru emwi na rhunmwuda e Nọyaẹnmwa gualọ odẹ ne ọ gha na gu emwa Filistia khọn. Vbe ẹghẹ ne a kha na, emwa Filistia ọ re ọ gha kha yan ivbie Izrẹl.