Gẹnẹsis 43:12 - Edo Bible (E Baibol Ẹdo) Version 1996

¹² Wa viọ igho ukhukhu eva mwẹ, rhunmwuda te ọ kere ne uwa viọ igho ne u wa miẹn vbe ẹkpo uwa werriegbe, ọ gha kẹe te iran ma rẹn.

Gẹnẹsis 43:12 ပူးပေါင်းရင်းမြစ်များ

Gẹnẹsis 42:25

E Josẹf keghi wẹ ne a viọ ọka vuọn ẹkpo iran, ne a vbe dọlegbe rhie igho dọmwadẹ ọghọe ye ẹkpo dọmwadẹ ọghọe, kevbe ne iran vbe viọ evbare ne iran gha re vbe odẹ ne iran, a ke ru vberriọ.

Gẹnẹsis 42:35

Ugbẹn vbe iran ghi fannọ ẹkpo, ẹsiso igho edọmwadẹ ọghọe kegha rre uwu ẹkpo ẹre, ugbẹn vbe iran ghi miẹn avbe ẹsiso igho ni, ohan keghi mu iran kevbe erha iran.

Gẹnẹsis 43:13

Wa rhie ọtẹn uwa, wa mu egbe ne uwa dọlegbe bu okpia nii gha khian.

Gẹnẹsis 43:21

Ugbẹn vbe ima ghi sẹ ehe ne a na hẹwẹ, vbe ima ghi rhan ẹkpo, dọmwadẹ ọghọe keghi miẹn igho ẹre vbe unu ẹkpo ẹre, igho ima, a keghi wa kae gba. Ma viọ ẹre werriegbe rre nian.

Gẹnẹsis 43:22

Ma ye vbe viọ igho ọvbehe rre ne a ya dẹ evbare. Ma ma rẹn ọmwa ne ọ viọ igho nii ye ima ẹkpo.”

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

Ebe ne Pọl gbẹẹn gie emwa Rom 13:8

Ghẹ rri ọmwa rhọkpa osa, osa ọkpa ne u gha re ọrọre ne uwa gha ho ẹmwẹ egbe, ọmwaikọmwa ne ọ mwẹ ahoẹmwọmwa ghe ihua ẹre, mu nene Uhi sẹ nẹ.

II Kọrinti 8:21

Emwi ne ima mwẹ vbe ekhọe ọrọre ne a gha ru emwi la odẹ ne ọ gbae, ẹ i re vbe odaro Nọyaẹnmwa ọkpa, sokpan kevbe odaro emwa ne agbọn.

Filipai 4:8

Vbe ufomwẹ ehia, etẹn mwẹ, wa gha ya avbe emwi ni maa kevbe ne ọ gie a ta ẹmwẹ ọnrẹn ẹse vuọn ekhọe uwa, avbe emwi ẹmwata, adazẹ ne ọ gbae ne ẹ i mwẹ iruẹn kevbe ne ọ mwẹ uyi.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

I Tẹsalonaika 5:21

Wa gha danmwẹ emwi hia ghe, wa ghi gba enọma vbọ mwẹ obọ.

Hibru 13:8

Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.