Gẹnẹsis 42:9 - Edo Bible (E Baibol Ẹdo) Version 1996

⁹ Ọ keghi ye imina ne irẹn minaẹn vbe ekpa iran rre, ọ na kha wẹẹ, “Ọrhẹ wa khin, te uwa do ghe ehe ne ọ gha rọkhọ ne uwa na dekun ẹvbo mwa.”

Gẹnẹsis 42:9 ပူးပေါင်းရင်းမြစ်များ

Gẹnẹsis 37:11

Etẹn Josẹf nikpia kegha guẹe mu ohu sokpan erha ẹe kegha rria ẹmwẹ nii hia vbe ekhọe.

Gẹnẹsis 42:16

Wa gie ọkpa vbe uwu uwa ya rhie ẹre rre. A gha viọ uwa ni dekẹe ne emwa viọ mwẹ rhinrin a tedo rẹn ẹmwata ne ọ rre ẹmwẹ ne uwa tae. A deghẹ ẹ i re erriọ, omwa vbene Fero na ye rrọ, ọrhẹ wa Khin.”

Gẹnẹsis 42:34

Wa ghi rhie ọtẹn uwa nekherhe bu mwẹ gha dee, ọnii ọ re I gha ya rẹn ighẹ wa ire ọrhẹ ighẹ emwa ẹmwata wa khin, I ghi rhie ọtẹn uwa ne uwa. Wa sẹtin gha do ẹki vbe ẹvbo na.’ ”

II Samuẹl 10:3

Avbe ọkaolotu ivbi Amọn keghi tama ọba iran wẹẹ, “Te uwẹ ro ighẹ te Devid gie emwa na uhunmwu ọdamwẹ guẹ ne ọ gele ya rhie ọghọ ne erhaa? Hiehiere, te ọ gie iran rre zẹ vbe ọrhẹ, ne iran do ba otọe na ghe, ne iran miẹn ehe na sẹtin khọn ima muotọ.”

Ẹksọdọs 32:35

E Nọyaẹnmwa keghi gie emianmwẹ la uwu ẹbu iran rhunmwuda iran ya ẹtin mu Errọn ne ọ ru ẹkhuia ẹmila.

Nọmbas 13:2

“Zẹ ọkpọkpa vbe uwu avbe ọkaolotu avbe ẹwae iweva nii ne u gie iran zẹ vbe ọrhẹ ne iran ya ba otọ Kenan ne I ra mu ne ivbi Izrẹl ghe.”

Iyẹn ne ọ Maan Ọghe Luk 20:20

Iran keghi rhunmwuda ọnii gha khẹ ẹghẹ ne ọ kere. Iran keghi rhie igho ne emwa eso ne iran mu akpa ọmwata yọ bu Jesu gha khian ya gualọ ẹre ẹmwẹ ne unu ne iran miẹn ehe na rhie ẹre yan asẹ kevbe ẹtin Ne ọ khaemwisẹ obọ.

Hibru 11:31

Iyayi ọre ọ ma gie a gbe Rehab ne ebabotu be emwa ni ma họn ẹmwẹ ne Osanobua, rhunmwuda rẹn keghi miẹn iran ne avbe ọrhẹ yi.

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 6:23

Ẹre iran na gha khian ya rhie Rehab ladian, kevbe erhae, iye ẹe, etiọnrẹn ne ikpia kevbe emwa ẹgbẹe ọre ni dekẹe. Iran keghi viọ iran kevbe avbe eviẹn iran, ye vbe a gha lahin agọ ivbi Izrẹl rre nẹ.

Giọgis 1:24

Iran ghi miẹn okpia ọkpa ne ọ ladian, iran keghi tama ẹnrẹn wẹẹ, “Tama ima ehe ne a la la ẹvbo na, ma i ra vbe ruẹ emwi ikuan egbe rhọkpa.”

I Samuẹl 26:4

Ọ keghi gie ọrhẹ gha khian, iran keghi miẹn wẹ ẹmwata nọ wẹ e Sọl gele rre evba.