Gẹnẹsis 42:28 - Edo Bible (E Baibol Ẹdo) Version 1996

²⁸ Ọ keghi tama etiọnrẹn wẹẹ, “Iran kie igho mwẹ dọlegbe mẹ, ghe ẹre vbe uwu ẹkpo mwẹ!” Udu iran ke kpan fi ẹko. Ọna ghi ye ohan ghe ọna, ọna ghe ọna, iran na nọọn wẹẹ, “Wẹ miẹn emwi ne Osanobua ru ima ẹre na.”

Gẹnẹsis 42:28 ပူးပေါင်းရင်းမြစ်များ

Gẹnẹsis 27:33

Aizik keghi suẹn gha guọ, egbe ẹre hia kegha mu rueghe zẹzẹzẹ, ọ keghi nọ wẹẹ, “De ọmwa ne ọ gbe emiowo mu gunmwẹ yi? Te I da rriọe fo vbe uwẹ la owa, I rhie afiangbe ọghe okiekie mwẹ nẹẹn nẹ, ọghọe khian gha nọ ẹdẹdẹmwẹdẹ.”

Gẹnẹsis 42:29

Iran ghi sẹ ehe ne Jekọb ne erha iran ye vbe Kenan, iran keghi na iyẹn emwi ne iran miẹn wẹẹ,

Gẹnẹsis 42:36

Erha iran keghi kha ma iran wẹẹ, “Te uwa ra ya mwẹ khian ne ẹ i ghi mwẹ emọ hiehiere. E Josẹf kpaa, Simiọn I ghi rrọọ, Bẹnjamin ọ re uwa ghi ho ne uwa vbe rhie, uhunmwu mwẹ ọre usẹ na ye!”

Gẹnẹsis 43:23

Ọguọmwadia nii keghi khama iran wẹẹ, “Ghẹ zẹ yọ, ghẹ gie ohan muẹn, Osanobua uwa, Osanobua erha uwa ọre ọ viọ igho ni ye uwa ẹkpo. Igho ne uwa ka hae sọmwẹ obọ.” Ọ na ya rhie Simiọn gie iran.

I Ọba 10:5

evbare ne ọ mu ye otọ, kevbe ewọe ni winna vbe ẹguae ẹre, owa esiesi ne ọ bọlọe ne emwa iwinna rẹn, iguemwi kevbe ukpọn esiesi ne eguọmwadia ẹre hẹ ye egbe, iran ni sa ayọn ne ẹẹn kevbe ese ne ọ zọ vbe Ọgua Osa. Ose avbe emwi na hia keghi gbe okhuo nii fi otọ.

Psalm 61:2

Vbe uwu idaehọ fo, ke a khian rrei vbe owa, ọ re I na kpe tie ruẹ na! Rhie mwẹ gha rriẹ ehe ne a lẹre yi miẹn uhunmwu,

Ihuan Ne Ọ Sọọ Ihuan Hia 5:6

I keghi kie urho ne enida mwẹ sokpan ọ kpao nẹ usin. U miẹn vbene I te ho ne I họn urhu ẹre hẹ. I gualọ ẹe sokpan, I ma miẹn ọẹn, I datie ẹre sokpan I ma miẹn ewanniẹn rhọkpa.

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Eve Orriara 2:17

E Nọyaẹnmwa ye ru ẹe vbene ọ wẹ rẹn re ru ẹe: Ọ fuẹn ima an vbe ne a i na mwẹ itohan, zẹ vbene ọ taa ẹe yotọ ke ẹghẹ nii gha dee. Ọ gie obọ avbe eghian mwa ke ukhunmwu, ọ keghi ye ọyẹnmwẹ sẹ iran ye udemwẹ mwa.

Eve Orriara 3:37

Iho e Nọyaẹnmwa ọkpa, ọ re a ru vbe ẹghẹ hia.

Levitikọs 26:36

“I gha runran uwa ni rre imu vbe ẹvbo ẹrrẹe sẹrriọ wẹ, owogho ebe ne ẹhoho mu khian ghi si ulẹ ye uwa egbe. Wa ghi rhulẹ zẹ vbene a miẹn wẹ odaro okuo ọre a na khu uwa khian, wa ghi vbe dele vbe eghian ma sikẹ uwa.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Iyẹn ne ọ Maan Ọghe Luk 21:26

Emwa gha fọrhiọn ba ẹmwẹ ohan nọ mu iran vbe ehe ne iran na de gọọ, gha khẹ vbe ne agbọn ghi ra ru hẹ, rhunmwuda a gha kpẹngiẹn ẹtin ni rre ideghedeghe aro iso hin ẹzi iran rre.

Diuteronomi 28:65

Wa i ra miẹn ọfumwegbe vbe ehe rhọkpa, ihe ọkpa ne uwa gha vbe tie ẹre ọghe obọ uwa ẹ i vbe rrọọ; e Nọyaẹnmwa ghi ya ohawa, a i ghi mwẹ idaehọ kevbe ẹtinfomwẹ yọ uwa ẹwu.