Gẹnẹsis 42:24 - Edo Bible (E Baibol Ẹdo) Version 1996

²⁴ E Josẹf keghi kpao sẹ iran rae, ọ na ya viẹ; ugbẹn vbe ọ ghi vbe sẹtin gha guan nẹ, ọ keghi bu iran gha de ọ keghi mu Simiọn, ọ na sirra iran hia gbae.

Gẹnẹsis 42:24 ပူးပေါင်းရင်းမြစ်များ

Gẹnẹsis 34:25

ọ ghi rre ikpẹdẹ eha, vbene arhuẹ iran ma na he rrie, ivbi e Jekọb eva, e Simiọn kevbe Livai, etẹn Dina nikpia, na hẹ umozo iran, iran keghi la ore ẹvbo nii vbe ne ọmwaikọmwa i na vbe mu idandan, iran keghi gbele ikpia ni rrọọ hia a.

Gẹnẹsis 42:23

E Josẹf họn ẹmwẹ ne iran ta, sokpan iran ma rẹn irẹn. Rhunmwuda ọzedu ọ re ọ gha zedu ne iran.

Gẹnẹsis 43:14

Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”

Gẹnẹsis 43:23

Ọguọmwadia nii keghi khama iran wẹẹ, “Ghẹ zẹ yọ, ghẹ gie ohan muẹn, Osanobua uwa, Osanobua erha uwa ọre ọ viọ igho ni ye uwa ẹkpo. Igho ne uwa ka hae sọmwẹ obọ.” Ọ na ya rhie Simiọn gie iran.

Gẹnẹsis 43:30

Ẹre Josẹf na zẹgiẹ ladian rhunmwuda ibiẹ ọre hia keghi ru woo rhunmwuda ọtiọnrẹn, te ọ ghi te ra viẹ, rhunmwuda ọnii, ọ keghi la ughugha ẹre, ọ na ya viẹ vbe evba.

Gẹnẹsis 45:1

E Josẹf ma ghi sẹtin ziengbe ẹre vbe sirra iran ni ruemwi nẹẹn, ọ keghi davan wẹẹ, “Ne emwa hia kpao.” Ọmwa rhọkpa ighi rre evba vbe Josẹf tama etiọnrẹn ọmwa ne irẹn khin.

Gẹnẹsis 45:2

Ọ keghi ya urhu ne ọ la viẹ sẹrriọ ne emwa Igipt na họn, iran na ya na iyẹn ọnrẹn sẹ ẹguae ọba.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Iyẹn ne ọ Maan Ọghe Luk 19:41

Rẹn keghi sikẹ ore ẹvbo, ugbẹn vbe ọ ghi bẹghe ẹre, ọ viẹ ọe wẹẹ,

Ebe ne Pọl gbẹẹn gie emwa Rom 12:15

Gha gu enọghọghọ ghọghọ vbe gu enọviẹ gha viẹ.

I Kọrinti 12:26

A deghẹ efẹn ọkpa vbe egbe miẹn obalọ, ehe ni dekẹe hia ghi guee miẹn obalọ nii, a deghẹ a vbe tian ọkpa vbọ, ni dekẹe hia ghi gu ẹe ghọghọ.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.