Gẹnẹsis 42:21 - Edo Bible (E Baibol Ẹdo) Version 1996

²¹ Iran keghi gu egbe iran guan wẹẹ, “Emwi ne ima ru ọtẹn mwa re i maa. Aro ima sọe vbene obọ dae sẹ hẹ vbe ẹghẹ ne ọ na gha rinmwian ima ne a lahọ vbe egbe irẹn, sokpan ma ma danmwehọ ẹre. Ọnii ọ re ọ si ọlọghọmwa na ye ima egbe.”

Gẹnẹsis 42:21 ပူးပေါင်းရင်းမြစ်များ

Gẹnẹsis 41:9

Ẹghẹ nii, nọ siẹnro ayọn keghi tama ọba wẹẹ, “I gha wa ye unu mwẹ miẹnkue ẹre ighẹ emwi dan ọre I ru.

Gẹnẹsis 44:16

Juda keghi kha wẹẹ, “De ẹmwẹ ne ima ra miẹn ta yi enọwanrẹn? De ẹzọ ne a ra miẹn gui? Vbe ima a ra ya fan egbe mwa hẹ? Osanobua wee ima uhe ua nẹ, enọwanrẹn. Enọwanrẹn, eviẹn ruẹn ma hia ghi khin, ẹ i re ọmwa na a miẹn ukpu ni vbe obọ ẹre ọkpa.”

Gẹnẹsis 45:3

E Josẹf keghi tama etiọnrẹn wẹẹ, “Mẹ ne Josẹf ọna khin, Erha mwẹ ye rre agbọn ra?” Sokpan ohan mu avbe etiọnrẹn sẹrriọ wẹ iran ma sẹtin rhie ewanniẹn nẹẹn vbe iran họn ẹmwẹ na.

Gẹnẹsis 50:15

Ugbẹn vbe erha iran ghi wu nẹ, etẹn e Josẹf keghi kha wẹẹ, “A deghẹ te ohu ima ye mu e Josẹf vbo, ọ na wẹ rẹn ra rria ikhi ye emwi dan ne ima ru ẹre re?”

II Samuẹl 12:13

E Devid keghi kha wẹẹ, “I ru orukhọ ghe Nọyaẹnmwa nẹ.” E Natan keghi wanniẹn wẹẹ, “E Nọyaẹnmwa ya bọọ, u i ghi ra wu.

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

Itan 21:13

U gha wẹ u i danmwehọ utumwẹ ovbiogue, a i vbe danmwehọ ruẹ vbe uwẹ a gha tu nọ iyobọ.

Itan 28:17

Ọmwa ne ọ de izigha, idin egbe ẹre ọ re ọ wa zẹgiẹgiẹ fian nii, ghẹ da ẹre obọ yi.

Jerimaia 2:17

Izrẹl, obọ ruẹ ọ re u ya sii ọna ye egbe ruẹ egbe! U fi iyeke gbe mwẹ mẹ ne Nọyaẹnmwa ne Osanobua ruẹ, vbe imẹ su uwẹ khian vbe odẹ.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 4:18

E Juda, vbene u ya gha yin hẹ kevbe avbe emwi ne u gha ru ọ re u ya sii emwi na ye egbe ruẹ egbe. Orukhọ ruẹ ọ re ọ sii usẹ na rre. Ọ bi agbada ye uwẹ ogiudu nẹ nian.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Nọmbas 32:23

Sokpan deghẹ wa na mu eyan uwa sẹ, ne I gie uwa rẹn nian wẹ wa gha rukhọ ghe Nọyaẹnmwa, wa ghi vbe rẹn nian wẹẹ a gha vbe rri uwa oya ye orukhọ uwa.

Matiu 7:2

Rhunmwuda vbene uwa ya bu ohiẹn ẹrrẹ, ọre Osanobua ra vbe ya bu ọghe uwa. Omwa ne uwa ya mwa ne ẹrrẹ, ọre a ra vbe ya mwa ne uwa.

Iyẹn ne ọ Maan Ọghe Mak 9:48

Vbe evba ọkhọe ne ọ rrọọ ẹ wu, erhẹn ne ọ rrọọ ẹ vbe dọyọ.

Iyẹn ne ọ Maan Ọghe Luk 16:28

I mwẹ etẹn ikpia isẹn, ne ọ wa yan ma iran ne iran ghẹ vbe gha di uwu obalọ na.’

Iwinna 19:18

Ni bun vbe uwu emwa ni yayi keghi ladian azagba, iran kegha miẹn emwi ne iran te ru kue, iran keghi vbe gha ta oro ẹre ma emwa.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

I Jọn 1:9

Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.

Giọgis 1:7

Adonibẹzẹk keghi kha wẹẹ, “Ọba ekigbesiyenẹ ne a giagia ẹre ikpinhianbọ nogie kevbe ikpinhianwẹ nogie kua ọre ọ rhọ iku evbare re vbe ototọ eteburu mwẹ. Te Osanobua vbe ru imẹ emwi ne I ru iran ẹre.” Iran na mu ẹẹn gha rrie Jerusalẹm, odọ nii ọ re ọ ghi na wu.